ISAÍAS 1:1 - Dios Rimashcata Quillcashcami

¹ Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 1:1 ပူးပေါင်းရင်းမြစ်များ

2 REYES 15:1

Israel llactata jatun mandac Jeroboam ishcai chunga canchis huatata mandacucpimi, Amasiaspac churi Azariasca Judá llactata mandai callarirca.

2 REYES 15:13

Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

2 REYES 15:32

Remaliaspac churi Peka ishcai huatata Israel llactata mandacucpimi, Uziaspac churi Jotamca Judá llactata mandai callarirca.

2 REYES 15:7

Azarías huañushpa, paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Jotammi paipac randi mandarca.

2 REYES 18:1

Elapac churi Oseas quimsa huatata Israel llactata mandacucpimi, Acazpac churi Ezequiasca Judá llactata mandai callarirca.

2 REYES 19:2

Chai quipami mayordomo Eliaquimtapish, quillcac Sebnatapish, curacunata mandac runacunatapish sharpa churanata churachishpa Dios ima nishcata huillac Amozpac churi Isaiaspacman cacharca.

2 CRÓNICAS 26:1

Shina cashcamantami Judá llactapi causac tucui gentecunaca Uziasta paipac taita Amasiaspac randi jatun mandac cachun churarcacuna. Uziasca chunga sucta huatatami charirca.

2 CRÓNICAS 26:22

Punta punzhacuna, quipa punzhacunata Uzías imata ruhuashcacunataca Amozpac churi Isaiasmi quillcarca. Paica Dios ima nishcata huillacmi carca.

2 CRÓNICAS 27:1

Jotamca ishcai chunga pichca huatata charishpami mandai callarirca. Paica chunga sucta huatatami Jerusalenpi mandarca. Paipac mamaca Sadocpac ushi Jerusami carca.

2 CRÓNICAS 28:1

Acazca ishcai chunga huatata charishpami, mandai callarirca. Paica chunga sucta huatatami Jerusalenpi mandarca. Mandac Diospac ñaupapica mana paipac taita David shina allita ruhuashpachu causarca.

2 CRÓNICAS 29:33

Ofrendacunaca sucta patsac huagra, quimsa huaranga ovejami carca.

SALMOS 89:19

Cambaclla runacunaman muscuipi shina ricurishpaca: «Shuc sinchi runatami ayudarcani. Ñuca acllashcapuramantami shuc runata jatunyachircani.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

ISAÍAS 2:1

Amozpac churi Isaiasca muscuipi shinami Judá llacta, Jerusalén llacta ima tucunata ricurca.

ISAÍAS 20:2

Mandac Dios Amozpac churi Isaiasta rimashpaca: «Caimanta rishpa, can churarishca sharpa churanatapish, cambac ushutatapish llucchi» nirca. Shina nicpimi, churana illac, lluchu chaquilla purirca.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

ISAÍAS 37:2

Chai quipami mayordomo Eliaquimtapish, quillcac Sebnatapish, curacunata pushac yuyaccunatapish sharpa churanata churachishpa Dios ima nishcata huillac Isaiaspacman cacharca. Isaiasca Amozpac churimi carca.

ISAÍAS 38:1

Chai punzhacunapi Ezequías yallita ungushca cacpimi, Dios ima nishcata huillac Amozpac churi Dios ima nishcata huillac Isaías ricungapac rirca. Chashna rishpaca: «Mandac Diosca: “Canca mana causanguichu, huañugringuimi. Chaimanta cambac huasi ucupurata imata nina cashpaca utca nilla” ninmi» nirca.

ISAÍAS 40:9

Alli huillaita huillac Sión urculla, jatun lomaman huichai riyari. Alli huillaita huillac Jerusalén llactalla, sinchita caparishpa huillaiyari. Judá llactapi tiyac llactacunapi causaccunata sinchita caparishpa: «¡Cancunapac Diosta ricuichic. Paica caipimi!» nichicyari.

ISAÍAS 6:1

Jatun mandac Uzías huañushca huatami ñucaca Mandac Dios jatun tiyarinapi tiyacucta ricurcani. Paipac jahualla churanaca paipac huasitami tucui tapashca carca.

ISAÍAS 7:1

Uziaspac churi, Jotampac churi, Acaz mandacui punzhacunapimi Remaliaspac churi jatun mandac Pekaca Israel llactata mandacurca. Paimi Siria llactata jatun mandac Rezinhuan tandanacushpa, Jerusalenpi causaccunahuan macanacungapac huichai rirca. Chashna rishpapish Jerusalentaca mana japi pudircachu.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

AMÓS 4:5

¡Ñucata pagui nishpa, levadurahuan ruhuashca tandata cuichiclla! ¡Quiquin munaimanta ofrendata cushcata tucuiman huillaichiclla! ¡Israelcunalla, cancunaca chaita ruhuanatami ashtahuan munanguichic!

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

NAHÚM 1:1

Elcos llactamanta, Nahumman Nínive llactata tucuchinamanta muscuipi shina huillashcata quillcashcami.

HABACUC 2:2

Chaimantami Mandac Diosca: “Muscuipi shina ricurishcata rezanallata rumi tablacunapi quillcai.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

NÚMEROS 24:16

Dios ima nishcatapish huillac, jatun Dios imata yuyacushcatapish yachac, imatapish ruhuac Dios muscuipi shina, ricuchishcata ricuc runami rimacun. Urmashca cashpapish ñahui pascashca urmac runami rimacun.

NÚMEROS 24:4

Dios rimashcata uyac, Imatapish ruhuac Dios muscuipi ricuchishcata ricucuc, urmashpapish mana urmac runami:

SAN MATEO 17:9

Jesús yachacuccunahuan urcumanta cutishpaca: —Cai ricushcataca Runa Tucungapac shamushca huañushpa, causaringacaman paimanta ama huillanguichicchu— nishpami mandarca.

HECHOS 10:17

Chaita Pedro ricushpa, mancharishpa shayacucpimi, Cornelio cachashca runacunaca tapushpa, tapushpa Simonpac huasiman cungailla chayarca.

HECHOS 26:19

Jatun mandac Agripalla, ñucaca jahua pachamanta muscuipi shina ricuchishcatami cazurcani.

2 CORINTIOS 12:1

Ñucallatac jatun tucushpaca, imata mana surcunichu. Shina cashpapish Apunchic Jesús muscuipi shina ñucaman ricurishpa ricuchishcatami parlasha nini.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.