HECHOS 9:35 - Dios Rimashcata Quillcashcami

³⁵ Chashna alliyachishcata ricushpaca, Lida pueblo causaccunapish, Sarón pueblopi causaccunapish tucuimi Apunchic Jesusta crircacuna.

Nuevo Testamento en Quichua Cañar 1996

³⁵ Chashna alliyachishcata ricushpaca, Lida pueblopi causaccunapish, Sarón pueblopi causaccunapish tucuimi Apunchic Jesusta crircacuna.

HECHOS 9:35 ပူးပေါင်းရင်းမြစ်များ

1 CRÓNICAS 27:29

Sarón llactapi huagrata michiccunataca Sarón pueblomanta Sitraimi mandacurca. Pugru pambapi huagrata michiccunataca Adlaipac churi Safatmi mandacurca.

1 CRÓNICAS 5:16

Paicunaca Galaad, shinallatac Basán llactacunapi, chai muyundi uchilla llactacunapi, shinallatac Sarón michina pambacunapipish pambacuna tucuricamanmi causarcacuna.

1 CRÓNICAS 8:12

Elpaalpac churicunaca: Heber, Misam, shinallatac Semedmi carca. (Semedmi Ono, Lod pueblocunata muyundi uchilla llactacunandi shayachirca.)

ESDRAS 2:33

Lod, Hadid, Ono pueblocunamantaca canchic patsac ishcai chunga pichcami cutimurca.

NEHEMÍAS 11:35

Lod, Ono pueblocunapi shinallatac artesanocuna causana pugru pambacunapimi causacurca.

NEHEMÍAS 7:37

Lod, Hadid, Ono pueblocunamantaca canchis patsac ishcai chunga shucmi carca.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

ISAÍAS 66:8

¿Pitac chashna tucushcataca uyarca? ¿Pitac chashna tucunataca ricurca? ¿Shuc punzhallapichu cai pachaca sajuaringa? ¿Shuc cutinllachu shuc llactaca sajuaringa? Sión urcupi causaccunaca sajuarina nanai japicpimi, huahuacunata sajuarirca.

LAMENTACIONES 3:40

Ñucanchic ima shina causacushcata allita yuyarishpa, Mandac Diospacman cutirishunchic.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

HECHOS 11:21

Diosca paicunahuanmi carca. Chaimantami achcacuna Apunchic Jesusta crishpa, ñaupa mana alli causaita saquircacuna.

HECHOS 15:19

Chaimanta mana israelcunapish Diosta catisha nicpica, mana ruhuanacunata ruhuachun nishpa, pandachinaca, mana allichu yuyachin.

HECHOS 19:10

Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.

HECHOS 19:20

Apunchic Jesusmanta maipipish huillacpimi, ashtahuan crishpa mirarirca.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 6:7

Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

HECHOS 9:34

Pedroca paitaca: —Eneas, cantaca Jesucristomi alliyachin. Jatari, cambac camata tandachi— nirca. Shina nicpica, Eneasca jatarishpa shayarircallami.

HECHOS 9:42

Chaitaca Jope pueblopi tucui causaccuna yachashpaca, achcacunami Apunchic Jesusta crircacuna.

2 CORINTIOS 3:16

Shina cacpipish Mandac Diosman cutiricpica, chai jarcashca pañoca anchurinmi.

DEUTERONOMIO 4:30

Quipa punzhacunapi llaquicuna japicpi, jatun llaquicunahuan cashpaca, Mandac Diosman cutirishpa, pai rimashcata uyanguichicmi.