HECHOS 9:18 - Dios Rimashcata Quillcashcami

¹⁸ Chai ratomi Saulopac ñahui murumanta challua concha shina urmacpica, cutin ricurca. Ñahui ricucpica, jatarishpa bautizarircami.

Nuevo Testamento en Quichua Cañar 1996

¹⁸ Chashna nicpica, Saulopac ñahui murumantaca pescado concha shina urmacpica, ñahuica ricurcallami. Chashna ñahui ricucpi, jatarishpaca bautizarircami.

HECHOS 9:18 ပူးပေါင်းရင်းမြစ်များ

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

HECHOS 22:13

Pai ñucapacman shamushpa, cuchuyashpaca: “Huauqui Saulo, cambac ñahui cutin ricuchun” nirca. Chai rato ñuca ñahui alli tucucpi, paitaca ricurcanillami.

HECHOS 22:16

Cunanca mana unayashpa, jatarishpa bautizari. Cambac juchacunata Dios perdonashpa, chuyayachichun, Apunchic Jesusta mañai” nirca.

HECHOS 9:17

Ananías Saulo tiyacuc huasiman rishpa, Saulopac uma jahuapi maquita churashpaca: —Huauqui Saulo, can caiman shamucucpi, ricuric Apunchic Jesusmi, cambac ñahui cutin ricuchun, shinallatac Diospac Espíritu cambac shungupi junda cachun, cambacman cacharca— nirca.

HECHOS 9:19

Ña micushpaca sinchiyarcami. Quipaca tauca punzhacunatami Damasco pueblopi caishuc criccunahuan carca.

HECHOS 9:8

Saulo pambamanta jatarishpa, ñahuita pascashpapish imata mana ricui pudircachu. Chaimantami maquimanta aisashpa, Damascoman pusharcacuna.

2 CORINTIOS 3:14

Shina cacpipish israelcunaca mana entendircacunachu. Shinallatac ñaupaman Dios ari nishcataca cunan punzhacamanmi rezashpapish, paicunapac yuyai pañohuan jarcashca shina cacpi, mana entendincuna. Chai jarcashca pañotaca Jesucristollami anchuchin.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.