HECHOS 8:7 - Dios Rimashcata Quillcashcami

⁷ Taucacunamantami llaquichic supaicunata llucchishpa cacharca. Chai supaicunaca caparishpami llucshic carca. Tauca paralisis ungushcacunatapish, suchucunatapish alliyachircami.

Nuevo Testamento en Quichua Cañar 1996

⁷ Supai japishcacunataca achcacunata alliyachicpimi, supaicunaca caparishpa llucshircacuna. Mana puriccunatapish, suchucunatapish achcacunatami alliyachirca.

HECHOS 8:7 ပူးပေါင်းရင်းမြစ်များ

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

SAN MATEO 10:1

Jesusca paipac chunga ishcai yachacuccunata cayashpaca, supaicunatapish llucchichun, tucuilaya ungüitapish alliyachichun, nanaicunatapish anchuchichunmi poderta curca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

MARCOS 9:26

Chashna rimacpimi, supaica caparishpa, huambrata chucchuchishpa llucshirca. Huambraca huañushca shinami pambapi saquirirca. Chaita gentecuna ricushpaca: —Ña huañun— ninacurca.

SAN LUCAS 10:17

Canchis chungacuna cushicuihuan cutimushpaca: —Apunchic Jesús, cambac shutipi nicpica, supaicunapish cazunmi— nirca.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

HECHOS 5:16

Cuchulla pueblocunamantami ungushcacunatapish, millai supai llaquichishcacunatapish Jerusalenman apamurcacuna. Chai ungushcacunaca tucuimi alliyarca.

HECHOS 8:6

Tucui gentecunami Felipe milagrocunata ruhuacta ricushpaca, pai huillashcata sumacta uyac carca.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.