HECHOS 8:40 - Dios Rimashcata Quillcashcami

⁴⁰ Ashtahuanpish Felipeca Azoto pueblopimi taririrca. Chaimanta callarishpami, Cesarea puebloman chayangacaman, tucui pueblocunapi alli huillaita huillashpa rirca.

Nuevo Testamento en Quichua Cañar 1996

⁴⁰ Ashtahuanpish Felipeca Azoto pueblopimi taririrca. Chai Azoto pueblomanta callarishpami, Cesarea puebloman chayangacaman, tucui pueblocunapi alli huillaita huillashpa rirca.

HECHOS 8:40 ပူးပေါင်းရင်းမြစ်များ

ZACARÍAS 9:6

Asdod llactapica shuctac llacta runacunami causanga. Chaipimi jatun tucushca filisteocunataca tucuchisha.

HECHOS 10:1

Cesarea pueblopica, Cornelio shuti runami causarca. Paica Italia llactamanta patsac soldadocunata mandacmi carca.

HECHOS 10:24

Quipa punzha ña Cesarea puebloman chayacpica, Cornelioca paipac familiacunahuan, paipac alli ricsishcacunahuanmi tandarishpa, shuyacushca carca.

HECHOS 11:11

Chai ratomi Cesarea pueblomanta cachashca quimsa runacuna ñuca maipi cac huasiman chayarca.

HECHOS 12:19

Herodesca Pedrota mashcachishpa, mana tarishpami, cuidac soldadocunata alli tapushpa, paicunata huañuchichun mandarca. Chai quipaca Judea llactamanta llucshishpa, Cesarea pueblopimi causagrirca.

HECHOS 18:22

Ña Cesarea puebloman chayashpaca, tandanacushca criccunata saludangapacmi Jerusalenman rirca. Quipataca Antioquía pueblomanmi urai rirca.

HECHOS 21:16

Cesarea pueblomanta maijan criccunapish ñucanchic-huanmi rirca. Paicunami Chipre llactamanta unai huatata cric Mnasonpac huasiman pushashpa rircacuna. Chai huasipimi pozarcanchic.

HECHOS 21:8

Cayandi punzhaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasipimi pozarcanchic. Paica criccunata ayudaccunapuramanta shucmi carca.

HECHOS 23:23

Huaranga soldadocunata mandac pasac soldadocunata mandac ishcaita cayashpaca, unai tutata Cesarea puebloman richun, chaquillahuan ric ishcai pasac soldadocunata, caballopi ric canchis chunga soldadocunata, lanzahuan ric ishcai pasac soldadocunata tandachichun mandarca.

HECHOS 23:33

Pablohuan ric soldadocuna Cesarea puebloman chayashpaca, quillcata mandac Felixman cushpami, Pablotapish paipac ñaupaman chayachirca.

HECHOS 25:1

Mandac Festoca Cesarea llactata quimsa punzhata mandacushpami, Jerusalenman rirca.

HECHOS 25:13

Asha punzhacuna quipami, jatun mandac Agripaca paipac pani Berenicehuan Cesarea pueblopi mandac Festota saludangapac shamurca.

HECHOS 25:4

Chashna mañacpimi Festoca: —Pablotaca Cesarea pueblollapitacmi prezu tiyacun. Ñucapish ñallami chaiman rigrini.

HECHOS 25:6

Festoca pusac punzha yallita Jerusalenpi cashpami, Cesareaman cutirca. Cayandi punzha, pai mandashpa tiyarinapi tiyarishpami, Pablota cayac cacharca.

HECHOS 8:25

Pedropish, Juanpish Jesucristomanta huillashpa, Dios rimashcacunata yachachishpaca, Samaria llacta tauca uchilla pueblocunapipish alli huillaita huillashpami, Jerusalenman cutircacuna.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharca.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

JOSUÉ 11:22

Anaquitacunaca israelcunapac llactapica shucllapish mana saquirircachu. Ashtahuanpish maijancunallami Gaza, Gat, Asdod pueblocunapi saquirirca.

1 SAMUEL 5:1

Diospac Arcata filisteocuna quichushpaca Eben-ezer pueblomantaca Asdod pueblomanmi aparca.