HECHOS 8:36 - Dios Rimashcata Quillcashcami

³⁶ Yacu cuchuta ricushpami, chai runaca: —Caipica yacu tiyanmi. ¿Manachu ñucaca bautizari pudini?— nirca.

Nuevo Testamento en Quichua Cañar 1996

³⁶ Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

HECHOS 8:36 ပူးပေါင်းရင်းမြစ်များ

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

SAN MATEO 3:11

Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

SAN JUAN 3:23

Juanpish chai punzhacunallapitacmi, Salim llacta cuchulla Enón llactapi, chaipi achca yacu tiyashcamanta bautizacurca. Chaipimi paipacman shamuc gentecunata bautizacurca.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

HECHOS 10:47

Chaimantami Pedroca: —Cai runacunapish ñucanchic shinallatacmi Diospac Espirituta chasquincuna. Chaimanta paicuna bautizarichunca, pi mana jarcangachu— nirca.

HECHOS 8:37

Shina nicpimi Felipeca: —Can tucui shunguhuan crishpaca, bautizari pudinguimi— nirca. Chashna nicpimi, chai runaca: —Ari, Jesucristoca Diospac Churi cashcata crinimi— nirca.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.