HECHOS 8:27 - Dios Rimashcata Quillcashcami

²⁷ Chashna nicpimi, Felipe jatarishpa rirca. Chashna ricushpami, Etiopía llactamanta eunuco runahuan tuparca. Paica Etiopía llactata jatun mandac Candace huarmipac charishcacunata cuidacmi carca. Paica Jerusalenpi Diosta alli nishpami, paipac llactaman cuticurca.

Nuevo Testamento en Quichua Cañar 1996

²⁷ Chashna nicpi, Felipe jatarishpaca rircallami. Chashna ricushpami, Etiopía llactamanta eunuco*f** runahuan tuparca. Paica Etiopía llactata jatun mandac Candace huarmipac tucui imalla charishcacunata ricucmi carca. Paica Jerusalenpi Taita Diosta alli nishpami, ña paipac llactaman cuticurca.

HECHOS 8:27 ပူးပေါင်းရင်းမြစ်များ

1 REYES 10:1

Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, mana cutichi pudipac tapuicunata tapushpa yachangapac shamurca.

SALMOS 68:29

Jerusalenpi tiyac cambac huasimantami jatun mandaccunaca imalla caranacunahuan shamunga.

SALMOS 68:31

Egipto llactata jatun mandaccunami shamungacuna. Etiopía llactapi causaccunaca paicunapac maquitami Mandac Diospac ladoman chutanga.

SALMOS 87:4

Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

ISAÍAS 18:7

Chai punzhapi jagan nicuc manchana jatun runacunaca tucuita Mandac Diosman cungapacmi ofrendata apamunga. Paicunaca yallita llaquichishpa, llactacunata quichuc sinchi runacunami ricun. Paicunapac llacta muyunditaca jatun yacucunami. Chai llactapi causaccunami tucuita Mandac Dios ñucapac shutipi mañangapac Sión urcuman shamunga.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

ISAÍAS 66:19

Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

JEREMÍAS 13:23

¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

JEREMÍAS 38:7

Chaitaca Etiopía llactamanta servic eunuco nishca Ebedmelecmi yachac chayarca. Paimi yacuta tandachina jatun jutcupi Jeremiasta shitashcataca yachac chayarca. Chai pachaca jatun mandacca Benjamín nishca pungupimi mandaccunahuan tandanacushpa tiyacurca.

JEREMÍAS 39:16

«Ebedmelecpacman rishpa, israelcunapac tucuita Mandac Diosca: “Ñuca rimashcata pactachishpami, cai llactapi causaccunaman allita ruhuanapac randica llaquichigrini. Chai llaqui punzhacunataca quiquin ñahuihuantacmi ricugringui.

SOFONÍAS 3:10

Etiopía llacta yacu ladopi causaccunami ñucata mañanga. Caita chaita rishpa causacushpapish ofrendata apamungami.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SAN JUAN 12:20

Jerusalén fiestapi Diosta alli ningapac riccunapurapica, maijan griego gentecunapishmi carca.

HECHOS 8:28

Paica Jerusalenmantami carretapi tiyashpa, Dios ima nishcata huillac Isaías quillcashcata rezashpa cuticurca.

DEUTERONOMIO 30:13

Chashnallatac mana mama cucha chimba ladopichu. Chaipi cacpica: “Chai mandashcacunata uyashpa cazungapacca, ¿pitac mama cuchata pasashpa apamushpa, ñucanchicman uyachingayari?” ninguichicmanmi.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.