HECHOS 8:26 - Dios Rimashcata Quillcashcami

²⁶ Mandac Diospac angelca Felipetaca: «Jatarishpa, Jerusalenmanta shitashca pamba ñanta Gaza puebloman ri» nirca.

Nuevo Testamento en Quichua Cañar 1996

²⁶ Mandac Dios cachashca angelmi Felipetaca: “Jatari, Jerusalenmanta Gaza puebloman rina, shitashca pambata ric ñanta japishpa, uraiman ri” nirca.

HECHOS 8:26 ပူးပေါင်းရင်းမြစ်များ

GÉNESIS 10:19

Cananeocunapac llactaca Sidonmanta Gerar ladota rishpa, Gaza llactacamanmi carca. Shuc ladomanca Sodoma, Gomorra, Admacamanmi carca. Shinallatac Seboimantaca Lasa llactacamanmi carca.

2 REYES 1:3

Chaimantami Mandac Diospac ángel tisbitapuramanta Eliastaca: «Samaria pueblota jatun mandacpac huillaccunata tupangapac huichai ri. Paicunataca: “Ecrón pueblo Baal-zebub diosman tapungapac richunca Israel llactapica, ¿manachu Dios tiyan?” ningui.

1 CRÓNICAS 22:16

Curipish, cullquipish, broncepish, fierropish maita mana yupaipacmi tiyacun. ¡Jatarishpa utca ruhuai callarilla! Mandac Diosca canhuan cachun» nirca.

ZACARÍAS 9:5

Chaita ricushpaca, Ascalón llactapi causaccunapish, Gaza llactapi causaccunapish yallita llaquirishpa chucchungami. Ecrón llactapi causaccunaca imata mana ruhuai pudishpa, yallita llaquiringami. Gaza llactata jatun mandacpish huañungami. Ascalón pueblopica pipish mana causangachu.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

HECHOS 27:23

Cunan tutami ñuca alli nina Diospac ángel ñucahuan carca.

HECHOS 5:19

Chashna churacpipish, Dios cachashca ángel tuta shamushpa, cárcel punguta pascashpa, paicunata llucchishpaca:

HECHOS 8:29

Diospac Espirituca Felipetaca: «Chai carretaman cuchuyai» nirca.

HECHOS 8:5

Felipepish Samaria puebloman rishpami, Jesucristomanta huillarca.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 15:47

Shinallatac Asdod pueblopish, muyundipi tiyac huasicunapish, uchilla llactacunapishmi carca. Gaza pueblopish muyundipi tiyac huasicunapish, uchilla llactacunapishmi carca. Chai pueblocunaca Egipto llacta jatun yacucaman shinallatac mama cucha patacunacamanmi carca.