HECHOS 8:22 - Dios Rimashcata Quillcashcami

²² Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari.

Nuevo Testamento en Quichua Cañar 1996

²² Can mana allita yuyanata saquishpa, Taita Diosman mañai. Chashna mañacpica, cambac shungu mana allita yuyashcataca perdonangapishchari.

HECHOS 8:22 ပူးပေါင်းရင်းမြစ်များ

PROVERBIOS 24:9

Yuyai illac runaca juchallatacmi yuyarin. Burlashpa asic runaca gentecunapac ñaupapica millashcami.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

JONÁS 3:9

Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 8:20

Chaimantami Pedroca: —¡Can Diospac poderta cullquihuan randisha nishcamantaca, cambac cullquindimi chingarigringui!

HECHOS 9:11

Shina nicpimi, Apunchic Jesusca: —Jatari, Derecha shuti ñanman ri. Judaspac huasipi yaicushpa, Tarso pueblomanta Saulota tapui. Chai huasipimi paica Diosta mañacun.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

APOCALIPSIS 2:21

Pai huacllirinata saquishpa, Diosman llaquirishpa cuti richun nishpami, tauca punzhacunata saquircani. Shina cacpipish mana cutirishpami, millaita ruhuanataca mana saquin.