HECHOS 8:21 - Dios Rimashcata Quillcashcami

²¹ Cambac shungu Dios-huan mana alli cashcamantami, paipac podertaca canman mana cun.

Nuevo Testamento en Quichua Cañar 1996

²¹ Cambac shungu paihuan mana alli cashcamantami, Taita Diosca cashna allicunataca mana ruhuachin.

HECHOS 8:21 ပူးပေါင်းရင်းမြစ်များ

2 CRÓNICAS 25:2

Amasiasca mana tucui shunguhuan ruhuacushpapish Mandac Diospac ñaupapica allitami causarca.

NEHEMÍAS 2:20

Shina nicpimi paicunataca: —Ñucanchictaca jahua pachapi causac Diosmi ayudanga. Shina ayudacpimi, paita servic ñucanchicca tucui jatarishpa cutin allichishun. Ashtahuanpish cancunaca Jerusalenpica imata ruhuanatapish, imata japinatapish, imata yuyarinatapish mana charinguichicchu— nircani.

SALMOS 36:1

Diosta mana manchac runamanca millai yuyaimi paipac shungupi rimacun. Paica Diosta manchanataca mana yuyarinchu.

EZEQUIEL 14:3

«Huañunalla runa, cai runacunaca ruhuashcalla dioscunata yallita adorashpami, juchapi urmashcacuna. Chashna ruhuashca jahua ñucata tapungapac shamuchunca, ¿maitatac saquishayari?

LEVÍTICO 13:8

Chai runapi sisu ungüi mirarishcata cura ricushpaca: “Caica mapa ungüimi” ninga. Chaica lepra ungüimi canga.

HABACUC 2:4

Millai shungu runaca jatun tucunllami. Ashtahuanpish cashcata ruhuac runaca crishcamantami causanga” nirca.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

HECHOS 8:37

Shina nicpimi Felipeca: —Can tucui shunguhuan crishpaca, bautizari pudinguimi— nirca. Chashna nicpimi, chai runaca: —Ari, Jesucristoca Diospac Churi cashcata crinimi— nirca.

EFESIOS 5:5

Maijanpish huainayashpa, ima mapatapish ruhuashpa, shinallatac ruhuashcalla diosta alli nic shinallatac imatapish ashtahuan charina yuyailla causaccunaca, Jesucristopish, Diospish mandacucpica imata mana charingacunachu. Chaitaca yachanami canguichic.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

JOSUÉ 22:25

Rubenpac, Gadpac churicunalla, ñucanchic-huan cancunahuan linderoca Jordán yacutami Mandac Diosca churashca. Chaimanta Mandac Diosmantaca ima japinata mana charinguichicchu ningami” yuyashpami, cai altartaca ruhuashcanchic. Chashna cancunapac churicuna nishpaca, ñucanchic churicunata Mandac Diosta mañashpa causanatami cungachinga— nirca.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 20:6

Maijanpish chai punta causarinapi causariccunamanca, ¡mai cushicuimi canga! Paicunaca Diospaclla cac acllashcacunami can. Quipa huañuica imata paicunataca mana ruhuangachu, ashtahuanpish paicunaca Diospactapish, Cristopactapish ruhuac curacunami canga. Shinallatac paicunami Cristohuanca huaranga huatata mandangacuna.

APOCALIPSIS 22:19

Shinallatac maijanpish cai libropi ima tucuna cashcata Dios huillashpa quillcachishcata anchuchishpa huillactaca, Diospish cai libropi nishca shinallatacmi causaita cuc yuramanta micunamantapish, Diospaclla cac puebloman yaicunamantapish anchuchinga.