HECHOS 7:45 - Dios Rimashcata Quillcashcami

⁴⁵ Ñaupa taitacunami chai huasitaca paicunapac ñaupa taitacunamanta japishca carca. Tauca huata quipami, Josué paicunata pushamucpi, chai shitashca pambamantaca cai cunan ñucanchic causacuc llactaman apamurca. Ñucanchic taitacuna cusha nishca llactapi causachunmi, Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna.

Nuevo Testamento en Quichua Cañar 1996

⁴⁵ Ñucanchic ñaupa taitacunaca chai huasitaca paicunapac ñaupa taitacunamantami japircacuna. Tauca huatacuna q'uipami, Josué runa paicunata pushamucpi, chai shitashca pambamantaca cai cunan ñucanchic causacuc llactaman apashpa shamurcacuna. Ñucanchic taitacuna cai cusha nishca llactapi causachunmi, Taita Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna.

HECHOS 7:45 ပူးပေါင်းရင်းမြစ်များ

1 REYES 8:4

Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

1 CRÓNICAS 16:39

Sadoc curataca caishuc paipac huauqui curacunahuanmi Mandac Diospac huasipi Diosta servichun Gabaón lomapi tiyac altarpi saquirca.

1 CRÓNICAS 21:29

Chai punzhacunapica shitashca pambapi Moisés ruhuachishca Mandac Diospac jatun carpapish, Diosman animalta cushpa tucui rupachina altarpish Gabaón lomapimi carca.

1 CRÓNICAS 7:27

Nun, shinallatac Josuemi carca.

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

SALMOS 44:2

Canca ñucanchic taitacuna chai llactapi allita causachunmi cambac maquihuan chai llactapi causaccunataca llaquichishpa llucchishpa cacharcangui.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

SALMOS 80:8

Chai llactapi causac runacunata llucchishpa cachashpami, Egiptomanta uvas yuracunata apamushpa tarpurcangui.

HECHOS 13:19

Diosca Canaán llacta canchis llactacunapi causaccunata huañuchichishpami, ñaupa taitacunaman chai allpataca curca.

DEUTERONOMIO 32:49

«Jericó chimba lado Moab llactapi cac Abarim urcupura Nebo urcuman huichicushpa, israelcunaman ñuca cushca Canaán llactata ricui.

HEBREOS 4:8

Israelcunaman samarinata Josué cushca cacpica, mana Diosca, cutin samarina punzhata cunmanchu carca.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 23:9

Mandac Diosmi mai jatun sinchi llactacunatapish cancunapac ñaupamanta llucchishpa cacharca. Cunan punzhacamanca cancunahuanca maijan llactapish mana macanacui pudishcachu.

JOSUÉ 24:18

Mandac Diosmi ñucanchic ñaupamanta mai llactapi causaccunatapish, chai llactapi causac amorreocunatapish llucchishpa cacharca. Chaimanta ñucanchicpish, Mandac Diostami servishun, paica ñucanchic Diosmi— nircacuna.

JUECES 18:31

Chashnami paicuna alli ningapac Micaías ruhuashca diosta Diospaclla carpa huasi Silo pueblopi tiyashca punzhacunacaman chaipi charircacuna.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.