HECHOS 7:39 - Dios Rimashcata Quillcashcami

³⁹ Chashna cacpipish, ñaupa taitacunaca Moisés yachachishcataca mana cazushun nishpami, piñarishpa, Egiptollamantac cutinata munarcacuna.

Nuevo Testamento en Quichua Cañar 1996

³⁹ Chashna cacpipish, ñucanchic ñaupa taitacunaca Moisés yachachishcataca mana cazushun nishpami, paita p'iñashpa, Egiptollamantac cutinata munarcacuna.

HECHOS 7:39 ပူးပေါင်းရင်းမြစ်များ

1 REYES 2:27

Shinami Salomonca Abiatar curataca Mandac Diospac cura cashcamanta llucshishpa cacharca. Elí curapac huahua huahuacuna ima tucunata Silo pueblopi Mandac Dios rimashca pactachunmi chashnaca ruhuarca.

SALMOS 106:16

Carpacunapi cashpami Moisés shina casha nishpa piñarircacuna. Shinallatac Mandac Diospaclla chicanyachishca Aarontapish piñashpami rimarcacuna.

ÉXODO 16:3

Paicuna rimarishpaca: —¡Mandac Dios, cai tucui gentecunata cai shitashca pambaman apamushpa, huañuchinapac randica, Egiptollapitac huañuchishca cashpachari alli canman carca! Chaipica aicha mangacunahuan tiyarishpami, huicsa pactata micuc carcanchic— nirca.

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

NÚMEROS 11:5

Egiptopica challuatapish yangami micuc carcanchic. Pepinocunatapish, meloncunatapish, puerros nishcacunatapish, cebollatapish, ajostapish ñucanchic munashcatami micuc carcanchic.

NÚMEROS 21:5

Mandac Diostapish, Moisestapish rimarishpaca: «¿Imapactac ñucanchicta Egiptomanta cai shitashca pambapi huañuchun llucchimurcanguichic? Caipica yacupish, micunapish mana tiyanchu. Cai micunataca ña mana micunayanchu» nirca.

HECHOS 7:27

Chashna nicpi, chai macac runaca Moisesta tangashpaca: “¿Pitac cantaca mandachun, juez cachun churarca?

1 CORINTIOS 14:32

Dios ima nishcata huillaccunaca, Dios ima nishcata huillaccuna shinami yuyan.

JUECES 11:2

Galaadpac huarmipish huahuacunata charishcami carca. Chai huahuacuna huiñashpami Jeftetaca: «Canca shuctac huarmipi tiyashca cashcamantaca mana ñucanchic taita charishcacunata japinguichu» nishpami llucchishpa cacharca.