HECHOS 7:37 - Dios Rimashcata Quillcashcami

³⁷ Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

Nuevo Testamento en Quichua Cañar 1996

³⁷ Chai Moisesllatacmi israelcunamanca: ‘Cancunata Mandac Diosca ñucata cachashca shinallatacmi, cancunapuramanta shuc huillacta cachanga. Pai ima nishcata cazunguichic’ nirca.

HECHOS 7:37 ပူးပေါင်းရင်းမြစ်များ

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

SAN MATEO 21:11

Shina tapucpimi Jesus-huan shamuccunaca: —Galilea llacta Nazaret pueblomanta, Diosmanta huillac Jesusmi— nircacuna.

MARCOS 9:7

Shina rimacucpimi puyu llandushpa, paicunata llandurca. Chai puyu ucumanta shuc rimashca uyarishpaca: —Caimi ñuca cuyashca Churi. Pai ima nishcata uyanguichic— nirca.

SAN LUCAS 9:35

Chai puyu ucumanta shuc rimashca uyarishpaca: «Caimi ñuca cuyashca Churi. Pai ima nishcata uyanguichic» nirca.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

HECHOS 7:38

Chai Moisesllatacmi shitashca pambapi ñaupa taitacunahuan carca. Paillatacmi Sinaí urcupi ángel rimashcata ñaupa taitacunaman huillangapac apamurca. Chai rimashcacunaca causaita cuc rimaicunami.