HECHOS 7:23 - Dios Rimashcata Quillcashcami

²³ Moisés chuscu chunga huatata charishpami, paipac aillu israelcunata ricugrinata munarca.

Nuevo Testamento en Quichua Cañar 1996

²³ Moisés ña chuscu chunga huatata charishpaca, paicunapura cashcamanta israelcunata ricugrina munaitami charirca.

HECHOS 7:23 ပူးပေါင်းရင်းမြစ်များ

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

ESDRAS 1:1

Jatun mandac Ciro Persia llactata shuc huatata mandacucpimi, Mandac Diosca Jeremiasman huillachishca pactachun, Persia llactata jatun mandac Ciroman yuyaita curca. Chashna yuyaita cucpimi, jatun mandac Ciroca huillashpapish, quillcaccunata cachashpapish pai mandacuc tucui llactacunapi causaccunaman huillachishpaca:

ESDRAS 1:5

Chaimantami Judapac, Benjaminpac ñaupa taitacunapac huasi ucupuracunata mandaccunapish, curacunapish, levitacunapish Mandac Dios yuyaita cushcacunaca, Jerusalenman rishpa Diospac huasita shayachingapac allichirircacuna.

ESDRAS 7:27

¡Ñucanchic taitacunata Mandac Diosca yallita alli nishca cachun! ¡Mandac Diosca paillatacmi paipac huasita alli nichun jatun mandacpac shungupi yuyaita cushca! ¡Paica Jerusalenpimi can!

ÉXODO 35:21

Shinami tucui alli shunguyuc gentecunaca ofrendata Diosman cuna yuyaihuan apamurca. Mandac Dios-huan tupana huasitapish, curacuna churarinata ruhuangapacpish apamurcami.

ÉXODO 35:29

Mandac Dios Moisesta mandashca shina ruhuarichunca, tucui alli shunguyuc israelcunami caricunapish, huarmicunapish tucui munaihuan Mandac Diosman cungapac apamurca.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

ÉXODO 7:7

Faraonhuan parlanacui punzhapica Moisesca pusac chunga huatata, cutin Aaronca pusac chunga quimsa huatatami charirca.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

HECHOS 7:24

Chashna rishpami, shuc Egipto runa, Israel runata macacucta ricushpa, Israel runata misashpa, Egipto runata huañuchirca.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Dios cushcamantami, paitaca pagui nicuni.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.