HECHOS 7:2 - Dios Rimashcata Quillcashcami

² Chaimantami Estebanca: —Huauquicuna, taitacuna, ñuca rimashcata uyaichic: «Poderyuc Diosmi ñucanchic ñaupa taita Abraham manarac Harán pueblopi causangapac ricpi, Mesopotamia llactapi cacpi ricurirca.

Nuevo Testamento en Quichua Cañar 1996

² Chashna tapucpi Estebanca: —Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca.

HECHOS 7:2 ပူးပေါင်းရင်းမြစ်များ

GÉNESIS 11:31

Tareca paipac churi Abramtapish, paipac nieto Lottapish, paipac nuera Saraitapish pushashpami, caldeocuna causana Ur llactamanta llucshirca. Shinami Harán llactaman chayashpa, chaipi causai callarirca.

GÉNESIS 12:1

Mandac Diosca Abramtaca: «Cambac allpamantapish, familiamantapish, cambac taitapac huasimantapish llucshishpa, ñuca ricuchigricuc allpaman ri.

GÉNESIS 12:5

Abramca paipac huarmi Saraitapish, huauquipac churi Lottapish, chaipi randishca runacunatapish pushashpa, Harán llactapi imata ruhuashcamanta japishcatapish apashpa, Canaanman chayarca.

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

GÉNESIS 29:4

Jacoboca chai michiccunataca: —Huauquicuna, ¿maimantatac canguichic?— nirca. Shina nicpimi paicunaca: —Haranmantami canchic— nirca.

NEHEMÍAS 9:7

Mandac Dioslla, canmi taita Abrahamta acllac Diosca cangui. Caldeocunapac Ur pueblomanta llucchishpami, Abrahamta shutichircangui.

SALMOS 24:10

¿Pitac achic nicuc Jatun Mandacca? ¡Paica tucuita ruhuac Mandac Diosmi! ¡Paica achic nicuc Mandac Diosmi!

SALMOS 24:7

¡Pungucuna pascarichicyari! Huiñaita tiyac pungucuna, achic nicuc Jatun Mandac yaicuchun caiman chaiman anchurichic.

SALMOS 29:3

¡Mandac Dios rimashcaca yacu jahuapimi uyarin! ¡Sumaimana Mandac Dios rimashcaca manchana yacu jahuapimari tulun nishpa uyaricun!

ISAÍAS 37:12

Ñucanchic ñaupa taitacuna Gozán, Harán, Resef llactacunapi causaccunatapish, Edén llactapi tiyac Telasar llactapi causaccunatapish tucuchicucpica, ¿maijan dioscuna quishpichi pudircachu?

ISAÍAS 51:2

Cancunapac ñaupa taita Abrahamtapish, cancunata sajuaric mama Saratapish yuyarichicyari. Ashtahuanpish pai sapalla cacpimi, ñuca cayashpa bendiciashpa, achcata mirachircani.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 12:41

Isaiasca Jesuspac sumaimana cashcata ricushpami, paimanta chashna huillarca.

HECHOS 22:1

«Israel huauquicuna, taitacuna, ñuca rimashcata uyaichic» nirca.

HECHOS 23:7

Chashna nicta uyashpami fariseocunaca saduceocunahuan rimarinacui callarirca. Chashnami chai tandanacuica chaupirinacurca.

HECHOS 7:1

Curacunata mandac curaca Estebantaca: —Canmanta chashna huillashcaca, ¿chashnatacchu?— nirca.

1 CORINTIOS 2:8

Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

SANTIAGO 2:1

Ñuca cuyashca criccuna, cancunaca ñucanchic sumaimana Apunchic Jesucristota criccuna cashcamantaca, shucllata allipi llucchishpa mana chicanta ruhuanachu canguichic.

JOSUÉ 24:2

Chashna tucui israelcuna tandanacucpimi Josueca: —Israelcunata Mandac Diosca: “Ñaupa huatacunaca cancunapac ñaupa taita Abrahampac Nacorpac taita Tareca jatun yacu chimba ladopimi causarca. Paicunaca shuctac dioscunata servishpami causarca.

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.