HECHOS 7:10 - Dios Rimashcata Quillcashcami

¹⁰ Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

Nuevo Testamento en Quichua Cañar 1996

¹⁰ José ima llaquihuan cacpipish, Taita Diosca paihuanmi carca. Shinallatac Egipto llactata jatun mandacpac ñaupapi alli cachunpish, alli yuyaicunatami curca. Chaimantami chai jatun mandacca paipac huasipipish, tucui Egipto llactapipish mandachun churarca.

HECHOS 7:10 ပူးပေါင်းရင်းမြစ်များ

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 44:18

Judá Josepacman cuchuyashpaca: —Ñuca mandaclla, canca Faraón shinallatacmi cangui. Chaimanta canta servic ñucami, can mandac-huan ashata parlasha nini. Canta servic ñucata ama piñarishpalla caita uyai.

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

1 REYES 8:50

Can acllashca gentecuna juchata ruhuashpa, canta piñachishcata tucui mana alli ruhuashcata perdonanguiyari. Paicunata llaquichingapac apaccunata llaquina yuyaita cunguiyari.

SALMOS 22:24

Paica ñuca llaquihuan cacpipish, mana cungarircachu. Llaquihuan cashpa ñuca mañacpica, ñahuita mana pacarcachu, ashtahuanpish ayudarcami.

SALMOS 37:40

Mandac Diosmi ayudashpa cacharichinga. Paita mana manchaccunapac maquimanta llucchishpami quishpichinga. Chaica, paita shuyacushcamantami chashnaca quishpichinga.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

PROVERBIOS 3:4

Chashna cashpami, Diospac ñaupapipish, runacunapac ñaupapipish alli nishca cangui.

JEREMÍAS 39:12

«Jeremiasta allita cuidangui. Paitaca ama llaquichinguichu. Pai imata mañashcata ruhuangui» nishca carca.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.