HECHOS 6:6 - Dios Rimashcata Quillcashcami

⁶ Chashna acllashpami apostolcunapacman pushamurca. Paicunaca chai runacunapac uma jahuapi maquita churashpami, Diosta mañarcacuna.

Nuevo Testamento en Quichua Cañar 1996

⁶ Ña chashna acllashpaca, Jesús acllashca huillaccunapacmanmi pushamurcacuna. Paicunaca chai runacunapac uma jahuapi maquita churashpami, Taita Diosman mañarcacuna.

HECHOS 6:6 ပူးပေါင်းရင်းမြစ်များ

NÚMEROS 27:18

Shina nicpimi, Mandac Diosca Moisestaca: —Nunpac churi Josuemi chaicunata ruhuangapac alli, paita acllashpa, uma jahuapi maquita churai.

NÚMEROS 8:10

Ñuca ñaupapi levitacuna shayaricpica, israelcunami paicunapac uma jahuapi maquita churanga.

MARCOS 5:23

paipac ñaupapi cungurishpaca: —Ñuca ushimi huañugricun. Can rishpa, ñuca ushipac uma jahuapi maquita churacpica, mana huañungachu, alliyangami— nishpa mañarca.

HECHOS 1:24

Chaimanta Diosta mañashpaca: «Mandac Dioslla, canmi tucuipac shunguta ricsingui. Cunanca, cai ishcai runacunamanta, maijan can acllashcata ricuchiyari.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

HECHOS 8:17

Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

HECHOS 9:12

Shinallatac muscuipi shinami, can paipacman yaicushpa ñahui cutin ricuchun, cambac maquita paipac uma jahuapi churacta ricurca— nirca.

HECHOS 9:17

Ananías Saulo tiyacuc huasiman rishpa, Saulopac uma jahuapi maquita churashpaca: —Huauqui Saulo, can caiman shamucucpi, ricuric Apunchic Jesusmi, cambac ñahui cutin ricuchun, shinallatac Diospac Espíritu cambac shungupi junda cachun, cambacman cacharca— nirca.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.

2 TIMOTEO 1:6

Shina cashcamanta cambac uma jahuapi ñuca maquita churacpi, Dios ima ruhuana cashcata cushcataca, nina huañugricucta causachic shina cutin causachichunmi nini.

HEBREOS 6:2

bautizarinamanta, criccunapac uma jahuapi maquita churanamanta, huañushcacuna causarinamanta, huiñaita jatun llaquiman cachanamanta ama cutinllatac cutinllatac yachacushunchic.