HECHOS 6:15 - Dios Rimashcata Quillcashcami

¹⁵ Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

Nuevo Testamento en Quichua Cañar 1996

¹⁵ Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

HECHOS 6:15 ပူးပေါင်းရင်းမြစ်များ

ECLESIASTÉS 8:1

¿Pitac yuyaisapa shina runaca tiyan? ¿Pitac tucuita entendishpa huillacca tiyan? Alli yachaica runapac ñahuitami achicyachin. Piñashca cactapish alliyachinmi.

SAN MATEO 13:43

Ashtahuanpish cashcata ruhuaccunaca inti shinami, Dios mandacucpica achic nicunga. Maijanpish ringrita chariccunaca, cai nishcata alli uyaichic.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

MARCOS 8:25

Jesús cutin chai runapac ñahuipi maquita churacpica, tucuita alli ricurcallami.

HECHOS 7:1

Curacunata mandac curaca Estebantaca: —Canmanta chashna huillashcaca, ¿chashnatacchu?— nirca.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.