HECHOS 6:1 - Dios Rimashcata Quillcashcami

¹ Chai punzhacunapica, achca gentecunami Jesusta crishpa mirarirca. Chaimantami griego rimaita rimaccunaca hebreo rimaita rimaccunata “ñucanchic viuda huarmicunaman punzhanta imalla illashcataca mana alli chaupicunguichicchu” nishpa, rimai callarirca.

Nuevo Testamento en Quichua Cañar 1996

¹ Chai punzhacunapica, achca gentecunami Jesusta crishpa mirarircacuna. Paicunapurapica, maijancunaca griego*f** rimaita, maijancunaca hebreo*f** rimaita rimaccunami carca. Chashna cashpami, griego rimaita rimaccunaca: “Ñucanchicpura viuda huarmicunamanca, punzhanta imalla illashcataca mana alli chaupicunguichicchu” nishpami, hebreo rimaccunataca juchanchi callarircacuna.

HECHOS 6:1 ပူးပေါင်းရင်းမြစ်များ

JOB 29:13

Ña huañugricucca paita ayudashcamantami ñucata bendiciarca. Viuda huarmi huacacucpipish cushichircanimi.

JOB 31:16

Huacchacuna mañashcata mana cushca cacpi, viuda huarmicunatapish yarcaihuan huañuchun saquishca cacpi,

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

ISAÍAS 27:6

Jacobopac huahua huahuacuna yura shina sapiyana punzhami shamunga. Israelcunaca sisac shinami sisanga. Chashnami paicunaca cai pachapi achca grano pucushca shina jundanga.

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 11:26

Chaipica huata jundatami achca gentecunaman yachachishpa, criccunahuan tandanacushpa causarca. Chai pueblopimi Apunchic Jesusta caticcunataca: “Criccuna” nishpa, cayai callarirca.

HECHOS 11:29

Chashna huillacpimi, Antioquía pueblo criccunaca paicuna imallata cui pudishcata Judea llacta criccunaman cuchun cachanata yuyarirca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

HECHOS 2:45

Paicunapac allpatapish, ima charishcacunatapish catushpami, mana chariccunaman caishuc chaishucman cuc carca.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

HECHOS 4:35

cullquitaca apostolcunaman cuc carca. Chaitaca mana chariccunamanmi imalla illashcata randichun cuc carca.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 5:14

Caricunapish, huarmicunapish Apunchic Jesusta crishpa, ashtahuanmi achca criccuna tucurca.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.

HECHOS 6:2

Chaimantami chunga ishcai apostolcuna criccunata tandachishpaca: —Diosmanta huillanata saquishpa, micunata ñucanchic raquinaca, mana allichu.

HECHOS 6:7

Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

HECHOS 9:29

Sauloca Jerusalenpipish mana manchashpami, Apunchic Jesusmanta huillarca. Griego rimac israelcunahuanpish ñahui ñahuimi rimanacuc carca. Chaimantami Saulotaca huañuchinata yuyarinacurca.

HECHOS 9:39

Chaimantami Pedroca jatarishpa paicunahuan rirca. Pai chayacpica, huañushca velaricuc ucumanmi pusharca. Chaiman chayacpimi, viuda huarmicunaca Dorcas causacushpa ruhuashca churanacunata Pedroman ricuchishpa, muyundita shayarishpa huacarca.

HECHOS 9:41

Chaimantami Pedroca maquimanta jatarichishpa, viuda huarmicunatapish, caishuc criccunatapish cayashpa, ña causarishcata ricuchirca.

ROMANOS 12:7

Shuccunata servicta ruhuashca cacpica, servishpa catichun. Yachachicta ruhuashca cacpica, yachachishpa catichun.

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

2 CORINTIOS 11:22

Paicunaca “hebreocunami canchic” ninchayari, ñucapish chaillatacmi cani. Paicunaca “israelcunami canchic” ninchari, ñucapish chaillatacmi cani. Paicunaca “Abrahampac huahua huahuacunami canchic” ninchari, ñucapish chaillatacmi cani.

DEUTERONOMIO 26:12

Cada quimsa huatami chungamanta shucta cuna huata. Chaicunata cushca quipaca levitacunaman, carumanta shamushcacunaman, taita mama illaccunaman, viudacunaman cunguichic. Chashna cucpimi, cancunapac llactapi causaccunaca huicsa pactata micunga.

FILIPENSES 3:5

Ñucaca hebreopuramanta huacharishca, Benjaminpac huahua huahua israelmi cani. Chaimantami ñucataca huacharishcamanta pusac punzhapi, ña circuncisionta ruhuachishcacuna. Shinallatac fariseo cashpami, Moisés mandashcacunataca alli pactachicurcani.

1 TIMOTEO 5:3

Imata mana charic viuda huarmicunamanca ayudangui.

1 TIMOTEO 5:9

Viudacunapac quillcanapica, shuc cusallahuan causashca sucta chunga yalli huatata charic viudacunapac shuticunallata quillcangui.

HEBREOS 13:1

Criccunaca, caishuc chaishuc cuyanacunguichic.

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.

SANTIAGO 4:5

Dios quillcachishcapica: «Ñucanchic shungupi espirituta churac Diosca, paipaclla causachunmi munan» nicunmi. Chaitaca, ¿yangalla cashcatachu yuyanguichic?

SANTIAGO 5:9

Cuyashca criccuna, mana juchanchishca cangapacca, ama caishuc chaishuc imatapish juchanchinacuichicchu. Taripacca ña pungullapimi.