HECHOS 5:9 - Dios Rimashcata Quillcashcami

⁹ Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

Nuevo Testamento en Quichua Cañar 1996

⁹ Shina nicpi Pedroca: —¿Ima nishpatac ‘Mandac Diosca mana llaquichingachu’ yuyashpa, paipac Espiritumanca llullashun nircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

HECHOS 5:9 ပူးပေါင်းရင်းမြစ်များ

GÉNESIS 20:13

Ñuca taitapac huasimanta llucshishpa, caita chaita purichun Dios mandacpica, ñuca huarmitaca: “Canca, mai llactaman chayashpapish ñucataca: ‘Paica, ñuca turimi’ ningui” nircani— nirca.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

SALMOS 50:18

Shuhuac ricuricpica, sumactami chasquingui. Huainayaccunahuanmi pacta puringui.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

ÉXODO 17:2

Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

ÉXODO 17:7

Chaipi israelcuna piñarishcamantami chai pambataca «Masata» shutichirca. Shinallatac Mandac Diosta rimashpa: «¿Mandac Diosca ñucanchic-huanchu? ¿Manachu ñucanchic-huan?» nishcamantami “Meribata” shutichirca.

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

SAN LUCAS 16:2

Chaimanta, amo chai mayordomota cayashpaca: “Canmantaca, mana allicunatami uyani. Cunanca ña mana ñuca mayordomochu cagringui. Chaimanta ñuca charishcacunata imata ruhuashcata huillai” nirca.

HECHOS 15:10

Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

HECHOS 5:6

Ananiaspac cuerpotaca mosocunami pilluchishpa, enterrangapac aparca.

ROMANOS 10:15

¿Ima shinatac mana pi cachacpica huillangacuna? Dios quillcachishcapica: «Alli huillaita huillashpa purinaca, ¡mai sumacmi!» ninmi.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

1 CORINTIOS 10:9

Paicunapuramanta maijancuna shina, Mandac Diosta mana pandachisha ninachu canchic. Chashna ruhuashpami, paicunaca culebra canishca huañurcacuna.