HECHOS 5:31 - Dios Rimashcata Quillcashcami

³¹ Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

Nuevo Testamento en Quichua Cañar 1996

³¹ Chashna causachishpami, Taita Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Taita Diosman cutiricpi, juchacunata perdonangapacmi chashnaca ruhuarca.

HECHOS 5:31 ပူးပေါင်းရင်းမြစ်များ

SALMOS 89:19

Cambaclla runacunaman muscuipi shina ricurishpaca: «Shuc sinchi runatami ayudarcani. Ñuca acllashcapuramantami shuc runata jatunyachircani.

SALMOS 89:24

Ñucaca cashcata ruhuashpami paitaca llaquicushalla. Ñuca shutimantami paica poderta charinga.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

EZEQUIEL 34:24

Ñucaca paicunapac Diosmi casha. Ñucata servic Davidca paicunata mandacmi canga. Chaitaca Mandac Dios ñucami nini.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

DANIEL 10:21

Ashtahuanpish ñucaca cashcata nic libropi imata nicushcatami huillagrini. Ñuca paicunahuan macanacucucpica pi mana ayudac shamunchu. Ashtahuanpish cancunata mandac Miguel-llami ayudac shamun” nirca.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

MARCOS 2:10

Runa Tucungapac shamushca ñuca cai pachapi juchacunata perdonaclla cashcata yachachunmi, cai runataca:

MARCOS 4:12

Paicuna ricushpapish, ama ricuchun, uyashpapish ama entendichunmi, chashnaca yachachicuni. Shinallatac Diosman ama cuti richun, paicunapac juchacunata ama perdonachunmi, chashna nini— nirca.

SAN LUCAS 2:11

Cunanmi David huacharishca Belén pueblopi Quishpichic huacharishca. Paica tucuita Mandac, Quishpichic Cristomi.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

SAN JUAN 4:42

Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatacmi pai ima nishcataca uyashcanchic. Chaimantami cai pachapi causaccunata quishpichingapac shamushcata yachanchic— nirca.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 13:23

Israelcunata quishpichichunca, Davidpac huahua huahuacunapuramantami Dios cusha nishca shina, Jesustaca curca.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

HECHOS 2:36

Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HECHOS 4:11

Huasita ruhuaccuna mana nishca rumimi huasita ruhuangapac callaripi churana, tucuimanta yalli alli rumica tucushca.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

COLOSENSES 1:14

Paimantami juchacunata perdonashcapish, shinallatac huatashca shinamanta cacharichishcapish canchic.

TITO 1:4

Ñuca shina cric cashcamanta ñucapac huahua shina Tito, ñucanchic Diospish, Apunchic Jesucristopish mai cuyashpa, canman sumac causaita cushca cachun nishpami caita quillcani.

TITO 2:10

Ñucanchicta Quishpichic Diosmanta yachachishca sumac ricurichunca, ama pipac imata shuhuashpa, ashtahuanpish ima ruhuanapipish alli nishca cachun yachachingui.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 2:10

Tucui ima tiyashcatapish Diosmi ruhuashca. Diosca tucui paipac huahuacuna sumaimana cushicuita japichunmi munan. Chaimantami Diosca Quishpichic Jesucristotaca, pai llaquita apashcamanta sumacyachirca.

1 PEDRO 3:22

Jesucristomi jahua pachaman rishpa, Diospac alli maquiman tiyacun. Paimi angelcunatapish, poderta charic mandac espiritucunatapish mandacun.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

2 PEDRO 2:20

Maijanpish ñucanchicta Mandac Quishpichic Jesusta crishpaca, chai mana alli causaimanta anchurishcami can. Chashna anchurishca cashpapish cutin chaillamanta tigrarishpaca, ñaupa ima shina causacushcatapish ashtahuan yallimi tucun.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

SAN JUDAS 1:25

¡Paitaca sarunpish, cunanpish, huiñaipacpish sumaimana jatun cashcamanta, imatapish ruhuaipac mandac cashcamanta, ñucanchic Apunchic Jesucristomanta alli nishunchicyari! Chashna cachun.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,