HECHOS 5:26 - Dios Rimashcata Quillcashcami

²⁶ Chaimantami soldadocunata mandacca soldadocunahuan cutin apostolcunata japingapac rircacuna. Chashna rishpaca, chaipi cac gentecuna rumihuan shitanata manchashpami, mana imata ruhuashpa, sumacta apamurcacuna.

Nuevo Testamento en Quichua Cañar 1996

²⁶ Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna.

HECHOS 5:26 ပူးပေါင်းရင်းမြစ်များ

SAN MATEO 14:5

Herodesca Juanta huañuchisha nicushpapish, gentecunata manchashpami, mana huañuchirca. Chaica, Juantata Dios ima nishcata huillacmi nicmi carca.

SAN MATEO 21:26

Cutin: “Runacunallami cacharca” nicpica, gentecuna piñaringami. Juantaca tucui gentecunami ‘Dios ima nishcata huillacmi’ nincuna— ninacurca.

SAN MATEO 26:5

Ashtahuanpish paicunaca: «Cai fiesta punzhapica mana japishpa, saquishunlla, gentecuna ñucanchicta llaquichingapac jataringami» ninacurca.

SAN MATEO 26:58

Pedroca caru carutami chai huasi pungu pambacaman Jesusta catishpa rirca. Chaipimi Diosta mañana huasita cuidaccunahuan Jesusta ima ruhuacta ricushpa tiyacurca.

SAN LUCAS 20:19

Curacunata mandaccunapish, mandashcacunata mandaccunapish “Jesusca chimbapurashca parlohuan parlashpaca ñucanchictami rimacun. Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 20:6

Cutin: “Runacunallami cachashca” nicpica, gentecuna ñucanchicta rumicunahuan shitashpa huañuchingami. Chaica, tucui gentecunami Juantaca “Dios ima nishcata huillacmi” nincuna— ninacurca.

SAN LUCAS 22:2

Curacunata mandac curacunapish, mandashcacunata yachachiccunapish gentecunata manchashcamantami, Jesusta ima shina huañuchinata yuyarinacurca.

SAN LUCAS 22:4

Judasmi curacunata mandac curacunahuan, Diosta mañana huasita cuidaccunahuan Jesusta ima shina japichinata parlangapac rirca.

HECHOS 4:21

Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

HECHOS 5:13

Shuctac gentecunaca paicunahuan tandanacunata mana munarcachu. Chashna cacpipish, chai pueblopi causaccunaca, tucuimi crishpa, paicunata allimi nircacuna.

HECHOS 5:22

Soldadocuna carcelman chayashpaca, paicunata mana tarircachu. Chaimanta huillangapac cutimushpaca:

HECHOS 5:24

Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.

HECHOS 5:25

Paicuna chashna tapunacucucpica, cungailla shuc runa chayamushpaca: «Cancuna carcelpi huichcashca runacunaca, Diosta mañana huasipimi tucui gentecunaman yachachicun» nishpa huillarca.