HECHOS 5:16 - Dios Rimashcata Quillcashcami

¹⁶ Cuchulla pueblocunamantami ungushcacunatapish, millai supai llaquichishcacunatapish Jerusalenman apamurcacuna. Chai ungushcacunaca tucuimi alliyarca.

Nuevo Testamento en Quichua Cañar 1996

¹⁶ Shinallatac chai cuchulla pueblocunamantapish ungushcacunatapish, supai llaquichishcacunatapish apashpa, achcacunami Jerusalenman shamurcacuna. Chaicunaca tucui mashnami alliyarcacuna.

HECHOS 5:16 ပူးပေါင်းရင်းမြစ်များ

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

SAN MATEO 8:16

Chishiyamuctami supai japishcacunata Jesuspacman apamurca. Chashna apamucpica, Jesusca pai rimashcallahuanmi supaicunata llucchishpa cacharca. Shinallatac tucui ungushcacunatapish alliyachircami.

SAN LUCAS 5:17

Shuc punzha Jesús yachachicucpimi, fariseocunapish, mandashcacunata yachachiccunapish chaipi tiyacurca. Paicunaca Galilea llactamantapish, Judea llactamantapish, Jerusalén pueblomantapishmi shamurca. Jesusca Diospac poderhuan cashcamantami ungushcacunata alliyachirca.

SAN LUCAS 6:18

Millai supaicuna japishca cashcamanta llaquihuan caccunatapish alliyachircami.

SAN LUCAS 9:11

Chaita gentecuna yachashpami, catishpa rirca. Chaipimi Jesusca cushilla chasquishpa, Dios mandacucmanta huillashpa, ungushcacunatapish alliyachirca.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

HECHOS 5:15

Shinallatac Pedro llandushpallapish alliyachichunmi, gentecunaca ungushcacunataca huandumushcacunandi ñanman apashpa churarca.

HECHOS 5:17

Chaimantami Israel curacunata mandac curapish, paihuan cac saduceocunapish envidiashpa piñarirca.

1 CORINTIOS 12:9

Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.