HECHOS 5:14 - Dios Rimashcata Quillcashcami

¹⁴ Caricunapish, huarmicunapish Apunchic Jesusta crishpa, ashtahuanmi achca criccuna tucurca.

Nuevo Testamento en Quichua Cañar 1996

¹⁴ C'aricunapish, huarmicunapish Apunchic Jesusta crishpa, ashtahuanmi achca criccuna tucushpa c'atircacuna.

HECHOS 5:14 ပူးပေါင်းရင်းမြစ်များ

2 SAMUEL 6:19

Shina ruhuashpami, tucui chaipi cac Israel huarmicunamanpish, caricunamanpish cada shucman shuc tandata, asha aichata, shuc pasas tortatapish cararca. Chai quipami, tucui israelcunaca paicunapac huasicunaman cutirca.

ESDRAS 10:1

Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

NEHEMÍAS 8:2

Shina nicpimi, Esdrasca chai canchis quilla punta punzhapi tandanacushcapac ñaupaman chai mandashcata apamurca. Chaipica caricunapish, huarmicunapish shinallatac tucui entendipaclla gentecunami carca.

ÉXODO 35:22

Alli shunguyuc caricunapish, huarmicunapish tucui munaihuanmi cadenacunata, sortejascunata, brazaletecunata, zarcillocunata, curimanta ruhuashca tucuilaya sumaccunata apamurca.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

HECHOS 11:24

Bernabeca alli runa, alli cric, Diospac Espíritu jundami carca. Chaimantami pai huillacpica, achca gentecuna Apunchic Jesusta crirca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

HECHOS 22:4

Ñucapish ñaupaca Jesusta caticcunata huañuchisha nishpami, huarmicunatapish, caricunatapish japishpa, carcelman apac carcani.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 6:7

Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

HECHOS 8:12

Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca.

HECHOS 8:3

Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

HECHOS 9:35

Chashna alliyachishcata ricushpaca, Lida pueblo causaccunapish, Sarón pueblopi causaccunapish tucuimi Apunchic Jesusta crircacuna.

HECHOS 9:42

Chaitaca Jope pueblopi tucui causaccuna yachashpaca, achcacunami Apunchic Jesusta crircacuna.

2 CORINTIOS 6:15

Cristohuan Satanas-huanca, ¡maitatac cuyanacungayari! Cric-huan shuc mana cric-huanca, ¡maitatac shuc yuyailla tucungayari!

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.