HECHOS 4:26 - Dios Rimashcata Quillcashcami

²⁶ Cai pachapi jatun mandaccunapish, llactata mandaccunapish Mandac Diosta piñashpa, pai cachashca Quishpichic Cristota piñashpa macashun nishpami tandanacun” nishcami.

Nuevo Testamento en Quichua Cañar 1996

²⁶ Cai pachapi jatun mandaccunapish, shinallatac llactata mandaccunapish Mandac Diosta p'iñashpa, pai cachashca Quishpichic Cristotapish p'iñashpami, macashun nishpa tandanacuncuna’ nishcami.

HECHOS 4:26 ပူးပေါင်းရင်းမြစ်များ

SALMOS 2:1

¿Imamantatac llactapi causaccunaca caparicuncuna? ¿Imamantatac gentecunaca manapish canata yuyarincuna?

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

ISAÍAS 7:7

Ashtahuanpish Mandac Diosca: “Mana chashna tucungachu.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.