HECHOS 4:17 - Dios Rimashcata Quillcashcami

¹⁷ Chashna cacpipish, caicuna ama shuctac llactacunapi yacharichunca: “Cunanmanta pacha pacta piman chai Jesusmanta huillanguichicman” nishpa manchachishun— ninacurca.

Nuevo Testamento en Quichua Cañar 1996

¹⁷ Chashna cacpipish, paicuna chashna alliyachishca maipipish ama yacharichunca, paicunataca: ‘Cunanmanta pacha pacta piman ashtahuan chai Jesusmanta huillanguichicman’ nishpa manchachishun— ninacurcacuna.

HECHOS 4:17 ပူးပေါင်းရင်းမြစ်များ

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

AMÓS 2:12

Ashtahuanpish cancunaca nazareo runacunamanmi vinota ubiachircanguichic. Cutin ñuca ima nishcata huillaccunataca: “¡Ama huillaichicchu!” nishpami jarcarcanguichic.

SAN MATEO 27:64

Chaimanta quimsa punzhacaman cuerpo enterrashcata cuidachun cachai. Pacta yachacuccuna tuta shamushpa, paipac cuerpota shuhuanman. Chashna shuhuashpaca: “Jesusca ñami causarishca” nishpami, gentecunata crichinga. Chashna ruhuashpacarin, punta llullashcata atishpami ashtahuan llullanga— nircacuna.

SAN MATEO 9:30

Paicunapac ñahuica pascarircami. Chaimantami Jesusca: —Pacta cancuna alli tucushcata piman huillanguichicman— nirca.

SAN JUAN 15:21

Ñucata Cachacta mana ricsincunachu. Chaimantami cancunataca ñucata caticushcamanta llaquichingacuna.

HECHOS 4:21

Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

HECHOS 5:24

Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Apunchic Jesucristo causacushcataca yachanami canguichic. Paica pitapish “caica allimi, chaica mana allichu” mana ninchu.

1 TESALONICENSES 1:8

Chaica, cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaita yachac chayashcacuna. Chaimantami cancuna alli crishcataca ña mana huillana canchic.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.