HECHOS 3:8 - Dios Rimashcata Quillcashcami

⁸ Chaimantaca jatarishpa, puri callarircami. Chashnami paicunahuan Diosta mañana huasiman yaicushpa, cushicuihuan saltarishpa, Diostaca “allimari cangui” nirca.

Nuevo Testamento en Quichua Cañar 1996

⁸ Chaimantaca jatarishpaca, puri callarircami. Paica Pedrondic, Juandicmi Diosman mañana huasiman yaicushpa, cushicuihuan saltarishpa, Taita Diostaca “allimari cangui” nirca.

HECHOS 3:8 ပူးပေါင်းရင်းမြစ်များ

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

SAN LUCAS 18:43

Jesús chashna nincami, chai runapac ñahuica ña ricurca. Chashna ña ricucpimi, Diosta “sumacmi cangui” nishpami, Jesusta catishpa rirca. Alliyashcata ricuccunapish, tucuimi Diosta “allimari cangui” nircacuna.

SAN LUCAS 6:23

Cancunata chashna llaquichicpipish, ¡cushicuichiclla! Diosca jahua pachapica, cancuna japina cashcataca achcatami cunga. Dios ima nishcata huillaccunatapish chai shinallatacmi ñaupa taitacunaca llaquichic carca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

HECHOS 14:10

Chaimanta sinchita rimashpaca: —¡Jatarishpa, alli shayari!— nirca. Shina nicpimi, chai runaca saltashpa puri callarirca.

HECHOS 19:16

Chashna nincami, chai supai japishca runaca jatarishpa, paicunata chugriricta macashpa, churanacunatapish lliquirca. Chaimantami paicunaca huasimantaca miticushpa lluchulla rircacuna.

HECHOS 3:7

Chashna nishpa, alli maquimanta japishpa jatarichicpica, chai runapac chaqui mucucunaca sinchiyarcami.