HECHOS 3:21 - Dios Rimashcata Quillcashcami

²¹ Dios tucuita mushucta ruhuangacamanmi Jesucristoca jahua pachapi cana can. Chashnami Diosca, jucha illac, pai ima nishca huillaccunaman huillachishca.

Nuevo Testamento en Quichua Cañar 1996

²¹ ‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

HECHOS 3:21 ပူးပေါင်းရင်းမြစ်များ

ISAÍAS 1:26

Utcapi shinallatacmi alli juezcunata, allita cunaccunata churasha. Chashna ruhuacpimi: “Cashcata ruhuac, Diosta alli cazuc llactami” ningacuna.

SAN LUCAS 1:70

Pai ima nishcata huillac, jucha illac huillaccunamanmi, utcaman huillachishca carca.

HECHOS 1:11

Chashna ricurishpaca: —Galilea llacta runacuna, ¿ima nishpatac huichailla ricucunguichic? Cai cancunapacmanta jahua pachaman pushashca Jesusllatacmi, cutin shamunga. Ima shinami pai ricta ricurcanguichic, chashnallatacmi cutimunga— nirca.

HECHOS 10:43

Dios ima nishcata tucui huillaccunami: “Jesusmi, paita criccunapac juchacunata perdonanga” nishpa huillarca— nirca.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 3:20

Shinallatac ñaupaman cancunaman cachasha nishca Jesustapish paica cachangami.

ROMANOS 8:21

Chaimantami Diosca tucui pai ruhuashcacunata huatashca shinamanta cacharichinga. Chashnami paipac huahuacunata ruhuashpa, alli ninga.

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 22:6

Chai quipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.