HECHOS 28:8 - Dios Rimashcata Quillcashcami

⁸ Publiopac taitaca calentura ungüihuanpish, purichic ungüihuanpishmi camapi cashca carca. Paita Pablo ricungapac rishpaca, maquita ungushcapac jahuapi churashpa, Diosta mañashpami alliyachirca.

Nuevo Testamento en Quichua Cañar 1996

⁸ Chai Publiopac taitaca calentura ung:uihuanpish, purichic ung:uihuanpish camapimi cashca carca. Chai ungushcata Pablo ricungapac rishpaca, maquicunata ungushcapac jahuapi churashpa, Taita Diosman mañacpica alli tucurcallami.

HECHOS 28:8 ပူးပေါင်းရင်းမြစ်များ

SAN MATEO 10:1

Jesusca paipac chunga ishcai yachacuccunata cayashpaca, supaicunatapish llucchichun, tucuilaya ungüitapish alliyachichun, nanaicunatapish anchuchichunmi poderta curca.

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

SAN MATEO 12:13

Chashna nishpami, chai runataca: —Maquita chutai— nirca. Pai maquita chutacpica, alliyashpa, caishuc maqui shinallatacmi saquirirca.

SAN MATEO 9:18

Jesús chashna nicucpimi, israelcunata mandac chayashpa, cungurishpaca: —Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

MARCOS 5:23

paipac ñaupapi cungurishpaca: —Ñuca ushimi huañugricun. Can rishpa, ñuca ushipac uma jahuapi maquita churacpica, mana huañungachu, alliyangami— nishpa mañarca.

MARCOS 6:5

Chaimantami chaipica, ima milagrocunatapish mana ruhuarca. Maijan ungushcacunallatami paicunapac jahuapi maquita churashpa alliyachirca.

MARCOS 7:32

Chaiman ringri mana uyac, mana rimac runata pushamushpami, Jesús chai runapac uma jahuapi maquita churashpa, alliyachichun mañarca.

SAN LUCAS 13:13

Chashna nishpa paipac uma jahuapi maquita churacpica, ña derecharishpa, Diosta “allimari cangui” nircallami.

SAN LUCAS 4:40

Ña inti tigracucpimi, tucuilaya ungüicunata Jesuspacman apamurca. Jesusca tucui ungushcacunapac uma jahuapi maquita churashpami alliyachirca.

HECHOS 28:7

Chai allpaca, chai llactata mandac Publiopacmi cashca carca. Paimi ñucanchicta huasipi sumacta chasquishpa, quimsa punzhata pozachirca.

HECHOS 28:9

Chaita ricushpami, chai llactapi causac caishuc ungushcacunapish shamushpa alliyarca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 12:9

Chai Espiritullatacmi maijantaca alli cricta ruhuan. Maijantaca ungushcacunata alliyachictami ruhuan.