HECHOS 28:21 - Dios Rimashcata Quillcashcami

²¹ Chaimantami paicunaca: —Ñucanchicca Judea llactamantaca ima quillcata mana japishcanchicchu. Pipish canta mana alli nishpa mana huillac shamushcachu. Canta mana alli nishpapish mana rimashcachu.

Nuevo Testamento en Quichua Cañar 1996

²¹ Pablo chashna nicpimi paicunaca: —Ñucanchicmanca can ima shina cashcata huillashpaca, pi mana Judea llactamanta quillcashpa cachashcachu. Ñucanchicpuracuna chaimanta shamushpapish, can mana alli cashcataca mana pi nishcachu.

HECHOS 28:21 ပူးပေါင်းရင်းမြစ်များ

ÉXODO 11:7

Chashna cacpipish, israelcunapurapica allcullapish animalcunata, gentecunata sintishpa, mana ladrangachu. Chaica, Mandac Dios ñucaca Egipto runacunamanta israelcunata chicanyachic cashcata yachachunmi cashnaca tucunga” ninmi.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 50:8

Ñucata cuidacca ñuca ladopimi. Chaimanta, ¿pitac ñucahuan shayaringa? ¡Tandanacuichic! ¿Pitac ñucata juchanchicca? ¡Ñucapacman cuchuyamuichiclla!

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

HECHOS 22:5

Chaitaca, curacunata jatun mandac curapish, pushac yuyaccunapish yachanmi. Paicunallatacmi Damasco pueblo criccunata japishpa, cai Jerusalenpi llaquichingapac apamuchun, quillcata curcacuna. Chaimantami criccunata japimungapac chai puebloman rircani.

HECHOS 28:14

Chai pueblopi tauca criccuna tupashpa, shuc semana paicunahuan saquirichun nicpimi saquirircanchic. Chai quipami Roma puebloman rircanchic.

HECHOS 3:17

Israel huauquicunalla, cancunapish, cancunata mandaccunapish Jesús pi cashcata mana yachashcamanta huañuchishcatami yachani.

ROMANOS 9:3

Ñuca quiquin aillucunapac randi, ñucallatac Cristomanta anchurishpa, llaquichishca canatami munaiman.