HECHOS 28:2 - Dios Rimashcata Quillcashcami

² Chai llactapi causaccunapish ñucanchictaca llaquishpa allimi tuparca. Tamyapi chirihuan cacpimi, ninata japichishpa masharichun tucui ñucanchicta pusharca.

Nuevo Testamento en Quichua Cañar 1996

² Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

HECHOS 28:2 ပူးပေါင်းရင်းမြစ်များ

ESDRAS 10:9

Chaimantami manarac quimsa punzhapi Judapac, Benjaminpac aillucunaca iscun quilla ishcai chunga punzhapi Jerusalenpi tandanacurca. Tucui gentecunami Diospac huasi canzha pambapi paicuna mana allita ruhuashcamantapish, tamyamantapish chucchushpa tiyacurcacuna.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

LEVÍTICO 19:34

Paicunataca cancunapura cashca shinallatac cancunapac llactapica cuyanguichic. Cancunaca Egipto llactapica pozashpallami causacurcanguichic. Chaimanta cancuna ima shinami cuyaringuichic, chashnallatac paicunatapish cuyanguichic. Ñucami Mandac Dios cani.

SAN MATEO 10:42

Maijanpish ñucata catic, yangalla runaman asha chiri yacuta cucca, Diosmanta japina cashcata japingami. Chaica chashnatacmi canga» nirca.

SAN JUAN 18:18

Yalli chiri cashcamantami Diosta mañana huasita cuidaccunapish, serviccunapish ninata japichishpa masharicurca. Pedropish chaillapitacmi paicunahuan masharicurca.

HECHOS 27:3

Cayandi punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paipac ricsishcacunapacman cacharca. Shinallatac Pablota ayudachunpish saquircami.

HECHOS 28:3

Pablo chaquishca yantata tandashpa ninapi churacucpimi, huañuchic culebra ninamanta llucshishcahuan maquipi huarcurirca.

HECHOS 28:4

Chaipi paihuan cac gentecuna maquipi huarcuracucta ricushpaca: “Cai runaca huañuchic runami yuyachin. Chaimantami ñucanchic cashcata ruhuac diosca yacumanta quishpirimucpipish, mana causachun saquin” ninacurca.

ROMANOS 1:14

Ñucaca griegocunamanpish, mana griegocunamanpish, yachaccunamanpish, mana yachaccunamanpish huillanami cani.

ROMANOS 14:1

Manarac sinchi criccunata chasquishpaca, ama caita chaita ninguichicchu.

ROMANOS 14:3

Chaimanta tucuita micucca, mana tucuita micucta piñanachu, mana tucuita micucpish mana tucuita micucta piñanachu. Chaica, Diosca tucuitami chasquishca.

ROMANOS 2:27

Chaica aichapi mana circuncisionta ruhuashca cashpapish mandashcacunata pactachiccunaca, circuncisionta ruhuashca jahua, mandashcacunata yachashca jahua mana pactachiccunataca juchanchingami.

1 CORINTIOS 14:11

Shuctac rimaita mana entendishpaca, chai rimaita rimacmanca caru llactamanta shinami cani, shinallatac chai rimaita rimacpish ñucamanca carumanta shinami.

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana sueñushpa pacarircani. Yarcaihuanpish, yacunayaihuanpish carcanimi. Tauca cutinmi mana micurcani. Chirimantapish, churana illaimantapish llaquitami aparcani.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.