HECHOS 27:6 - Dios Rimashcata Quillcashcami

⁶ Chaipimi pasac soldadocunata mandacca Alejandría pueblomanta Italia llactaman ric barcota japishpa, chaipi ñucanchicta huichicuchirca.

Nuevo Testamento en Quichua Cañar 1996

⁶ Chaipimi pasac soldadocunata mandacca Alejandría pueblomanta Italia llactaman ricuc barcota ricushpaca, ñucanchicta chai barcopi huichicuchirca.

HECHOS 27:6 ပူးပေါင်းရင်းမြစ်များ

HECHOS 18:2

Chai pueblopimi Ponto llactamanta Aquila shuti Israel runahuan tuparca. Chaica, Roma llactata jatun mandac Claudio tucui chaipi causac israelcuna chai llactamanta llucshichun nishcamantami, chai Aquilaca paipac huarmi Priscilandi Italia llactamanta llucshishpa, Corinto puebloman cunanlla shamushca carca. Pabloca paicunapacmanmi rirca.

HECHOS 18:24

Alejandría pueblomanta Apolos Israel runami Efeso puebloman shamurca. Paica Dios quillcachishcata alli yachac, allita huillacmi carca.

HECHOS 27:1

Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 28:11

Chai islapi quimsa quillata cashpami, Alejandría pueblomanta shamushpa, tamya quillacunata chaipi cashca barcopi rircanchic. Chai barco ñaupa ladopica Cástor, Pólux shuti dioscuna dibujashcami carca.

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.