HECHOS 27:21 - Dios Rimashcata Quillcashcami

²¹ Unaita mana micushca cacpimi, Pabloca tucuipac chaupipi shayarishpaca: —Tucui caipi caccuna, ñuca nishcata uyashca cashpaca, Creta islamanta mana shamunchicmanchu carca. Mana llaquita apanchicmanchu carca. Imatapish mana shitanchicmanchu carca.

Nuevo Testamento en Quichua Cañar 1996

²¹ Ña tauca punzhacunatami mana micurcanchic. Chaimantami Pabloca tucui chaipi caccunapac chaupipi shayarishpa: —¡Tucui caipi caccuna! Ñuca nishcata uyashca cashpaca, Cretamantaca mana llucshishpa shamunchicmanchu carca. Mana ima cashna llaquitapish apanchicmanchu carca. Imatapish mana shitanchicmanchu carca.

HECHOS 27:21 ပူးပေါင်းရင်းမြစ်များ

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

HECHOS 27:12

Tamya quillacunata chaipi cana mana alli cacpimi, tucui mashna Creta islapi cac Fenice puebloman ima shinapish chayanata yuyarinacurca. Chai pueblopica janamanta, huaira shamushpapish, mana imata ruhuacchu carca. Chaimantami tamya quillacunata chaipi canata munarca.

HECHOS 27:13

Uramanta ashalla huaira tiyacpimi, ña rinalla cashcata yuyashpa, anclacunata tandashpa, ri callarircanchic. Chashna rishpaca, Creta llacta cuchullatami rircanchic.

HECHOS 27:20

Tauca punzhacunata intipish, lucerocunapish mana ricurishpa, yalli tamya huaira cacpimi, huañunalla cashcata yuyarcanchic.

HECHOS 27:7

Huaira ñaupamanta jarcacucpimi, allimantalla tauca punzhacunata rircanchic. Chashnami llaquita apashpa, tauca punzhacunapi Gnido pueblo chimba ladoman chayarcanchic. Huaira ashtahuan jarcacpimi, Salmón allpa ladota rishpa, Creta islata muyugrircanchic.