HECHOS 27:20 - Dios Rimashcata Quillcashcami

²⁰ Tauca punzhacunata intipish, lucerocunapish mana ricurishpa, yalli tamya huaira cacpimi, huañunalla cashcata yuyarcanchic.

Nuevo Testamento en Quichua Cañar 1996

²⁰ Achca punzhacunata intipish, lucerocunapish mana ricurishpa, munai tamialla huairalla cacpimi: “Ña mana causashunchu” nishpa yuyarcanchic.

HECHOS 27:20 ပူးပေါင်းရင်းမြစ်များ

SALMOS 105:28

Amsata cachashpa chai llactata tucui tutayachicpipish pai rimashca shimitaca mana cazurcacunachu.

ISAÍAS 57:10

Yallita purishpami shaicurcangui. Shina cashpapish: “Shaicushcami cani” nishpaca, mana nircanguichu. Canca shaicushpapish fuerzata japishpami, mana samarishpa ashtahuan caticurcanguilla.

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

EZEQUIEL 37:11

Mandac Dios cutinllatac rimashpaca: «Huañunalla runa, cai tullucunaca israelcunami. Paicunaca: “Ñucanchic tullucunaca chaquishcami. Ñucanchicca ima shuyanatapish mana charinchicchu. Tucuimi tucurishcanchic” nincunami.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

HECHOS 27:19

Ña quimsa punzhata chashnallatac cacpimi, barcopi ima tiyashcacunatapish paicunallatac yacupi shitarca.

HECHOS 27:21

Unaita mana micushca cacpimi, Pabloca tucuipac chaupipi shayarishpaca: —Tucui caipi caccuna, ñuca nishcata uyashca cashpaca, Creta islamanta mana shamunchicmanchu carca. Mana llaquita apanchicmanchu carca. Imatapish mana shitanchicmanchu carca.

2 CORINTIOS 11:25

Quimsa cutinmi caspihuan macarcacuna. Shuc cutinca rumihuan shitashpami macarcacuna. Quimsa cutinmi barcopi ricushpa, barcondi yacupi ucuyarcani. Shinallatac shuc punzha, shuc tutami yacupi aguarinalla carcani.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

1 TESALONICENSES 4:13

Cuyashca criccuna, huañushcacuna causarinata mana criccuna shina ama llaquilla cachunmi, huañushcacuna ima tucuna cashcata yachachun munanchic.