HECHOS 26:1 - Dios Rimashcata Quillcashcami

¹ Shina nicpimi Agripaca: —Pablo, canllatac rimai— nirca. Shina nicpi, Pablo maquita cuyuchishpa rimashpaca:

Nuevo Testamento en Quichua Cañar 1996

¹ Shina nicpi Agripaca: —Pablo, can ima shina cashcataca huillai— nirca. Shina nicpi, Pabloca maquihuan cashna rimai callarirca:

HECHOS 26:1 ပူးပေါင်းရင်းမြစ်များ

SALMOS 119:46

Ima shina causanata can yachachishcataca jatun mandaccunapac ñaupapimi huillasha. Shinallatac mana pingaichishcachu casha.

PROVERBIOS 1:24

Cancunata tauca cutin cayacpipish, mana uyarcaguichicchu. Maquihuan cayacpipish, mana shamurcanguichicchu.

PROVERBIOS 18:13

Manarac imata uyashpa rimaric runaca yuyai illac, shinallatac mana pingacmi can.

PROVERBIOS 18:17

Llaquita huillangapac punta shamucca cashcata ruhuac shinami ricurin. Ashtahuanpish paita piñac quipata shamushpaca, llullac cashcatami ricuchin.

EZEQUIEL 16:27

Chaimantami cantaca maquita alzashpa llaquichishpa, cambac micunatapish quichurcani. Canta piñac filisteocunapac maquipimi churarcani. Paicunaca can millaita ruhuashpa causashcata ricushpaca pingarcami.

SAN JUAN 7:51

—Mandashcapi nishca shinaca, ima ruhuashcata manarac alli yachashpaca, pitapish mana juchanchinallachu canchic— nirca.

HECHOS 22:1

«Israel huauquicuna, taitacuna, ñuca rimashcata uyaichic» nirca.

HECHOS 25:16

Shina nicpimi ñucaca: “Roma llacta mandashcacunapi nishca shinaca, juchanchiccunapac ñaupaman manarac apamushpa, pai rimashcata manarac uyashpaca, pitapish mana huañuchinachu canchic” nircani.

HECHOS 25:27

Shuc prezuta imamanta juchanchishcata mana huillashpa cachanaca, ñucamanca mana allichu— nirca.

HECHOS 26:2

—Jatun mandac Agripalla, ñucata israelcuna imamanta juchanchicushcata cambac ñaupapi huillagricushcamantaca yallitami cushicuni.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

ROMANOS 10:21

Israelcunamanta Isaías cutin rimashpaca: «Ñucata mana cazuc, piñac gentecunataca tucui punzhacunami rigrata pascashpa cayacurcanilla» ninmi.