HECHOS 25:5 - Dios Rimashcata Quillcashcami

⁵ Imata juchanchina tiyacpica, mandaccuna ñucahuan Chaiman jacuchic. Chai runa ima mana allita ruhuashca cacpica, chaipi juchanchinguichic— nirca.

Nuevo Testamento en Quichua Cañar 1996

⁵ Imata juchanchishun nishpaca, mandaccunapura ñucahuan Cesareaman jacuchic. Pai ima mana allita ruhuashca cacpica, chaipi juchanchinguichicllami— nirca.

HECHOS 25:5 ပူးပေါင်းရင်းမြစ်များ

HECHOS 18:14

Pablo rimari callaricpi, Galión israelcunata rimashpaca: —Israelcuna, cai runa ima mana allita ruhuashca cacpi, mana cashpaca jatun juchata ruhuashca cacpica, ñucaca cancuna huillashcata uyaimanmi carcani.

HECHOS 23:30

Shina cacpipish, israelcuna cai runata huañuchishun nishcata yachashpami, cambacman cachani. Paita huañuchishun niccunatapish cachanimi. Paicuna imamanta juchanchicushcatapish tapunguilla. Chaillatami mañani. Caya minchacaman» nirca.

HECHOS 24:8

Chashnami, paita juchanchiccunataca can mandac Felixpac ñaupapi tapuchun nirca. Cunanca canllatac ñucanchic imamanta juchanchicushcataca tapuilla— nirca.

HECHOS 25:16

Shina nicpimi ñucaca: “Roma llacta mandashcacunapi nishca shinaca, juchanchiccunapac ñaupaman manarac apamushpa, pai rimashcata manarac uyashpaca, pitapish mana huañuchinachu canchic” nircani.

HECHOS 25:25

Ñuca yuyaipica paica ima huañuchina juchata mana ruhuashcachu. Paillatac: “Roma llactata jatun mandac Augustopacman cachai” nicpimi, paipacman cachanata yuyarcani.

HECHOS 25:4

Chashna mañacpimi Festoca: —Pablotaca Cesarea pueblollapitacmi prezu tiyacun. Ñucapish ñallami chaiman rigrini.

HECHOS 25:6

Festoca pusac punzha yallita Jerusalenpi cashpami, Cesareaman cutirca. Cayandi punzha, pai mandashpa tiyarinapi tiyarishpami, Pablota cayac cacharca.