HECHOS 25:3 - Dios Rimashcata Quillcashcami

³ Chashna juchanchishpami, Pablota Jerusalenman apamuchun mañarca. Jerusalenman Pablo shamucucpica, ñanpi chapashpa huañuchinatami paicunaca yuyarinacushca carca.

Nuevo Testamento en Quichua Cañar 1996

³ Chaipimi paitaca: —Ñucanchicmi caita mañac shamunchic: Pablota cai Jerusalenman apamuchun cachashpa cui— nircacuna. Jerusalenman Pablo shamucucpica, ñanpi chapashpa huañuchinatami paicunaca yuyarinacushca carcacuna.

HECHOS 25:3 ပူးပေါင်းရင်းမြစ်များ

PROVERBIOS 24:15

Diosta mana manchac runalla, cashcata ruhuac runapac carpataca ama shuhuac shina muyuichu. Paipac huasi ucupi ima tiyashcatapish, ama shuhuashpa apaichu.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

HECHOS 9:24

punzhai tuta pueblo pungucunapi chapacurca. Chashna yuyarishcataca Sauloca yachac chayarcami.

ROMANOS 3:8

(Shina cacpica, ¿manachu maijanca: “Dios jatunyachishca cachunca, mana allicunata ruhuashpa catishun” ninman? Maijancunaca chashnami, ñucata llaquichingaraicu “Pabloca chashnami yachachin” nincuna.) Ashtahuanpish chashna niccunataca llaquichina cashca shinami Diosca llaquichinga.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.