HECHOS 25:10 - Dios Rimashcata Quillcashcami

¹⁰ Shina nicpimi Pabloca: —Roma llactata jatun mandac César taripanaca caipimi. Caipimi juchanchishca cana cani. Ñucaca israelcunata ima mana allita mana ruhuashcanichu. Chaitaca canllatac yachanguimi.

Nuevo Testamento en Quichua Cañar 1996

¹⁰ Shina nicpi Pabloca: —Canca jatun mandac César churashca, cai llactata ricucmi cangui. Chaimanta canllatac ñucataca tapuilla. Ñucaca israelcunata ima mana allita mana ruhuashcataca, canllatac yachanguimi.

HECHOS 25:10 ပူးပေါင်းရင်းမြစ်များ

SAN MATEO 27:18

Pilatoca Jesustaca envidiamanta apamushcatami yacharca.

SAN MATEO 27:19

Pilato, pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami tutaca muscurcani. Paitaca ama imata ruhuanguichu— nichun cacharca.

HECHOS 23:29

Paicunapac ñaupaman apashpa paita tapucpica, israelcunapac mandashcata mana cazushcallamanta juchanchicushcatami yachac chayarcani. Ñuca yuyaipica, paitaca imamanta mana huañuchinachu, carcelpipish mana churanachu can.

HECHOS 25:17

Chaimantami paicuna caiman shamucpica, mana unaiyashpa, cayandi punzha mandashpa tiyarinapi tiyarishpa, chai runataca apamuchun cacharcani.

HECHOS 25:25

Ñuca yuyaipica paica ima huañuchina juchata mana ruhuashcachu. Paillatac: “Roma llactata jatun mandac Augustopacman cachai” nicpimi, paipacman cachanata yuyarcani.

HECHOS 25:6

Festoca pusac punzha yallita Jerusalenpi cashpami, Cesareaman cutirca. Cayandi punzha, pai mandashpa tiyarinapi tiyarishpami, Pablota cayac cacharca.

HECHOS 26:31

Chaimanta caruyashpa, paicunapura parlanacushpaca: —Paita huañuchichunca, ima mana allita mana ruhuashcachu. Carcel-llapipish mana canachu can— ninacurca.

HECHOS 28:18

Chai mandaccuna ñucata alli tapushpa, imamanta juchanchishpa, mana huañuchina cashcata tarishpaca, cacharinatami munarca.

2 CORINTIOS 4:2

Pacallapi pinganayai ruhuanacunata saquishpami, pitapish mana umashpa, Dios rimashca shimitaca mana chagrushpa huillacunchic. Dios rimashca mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.