HECHOS 24:11 - Dios Rimashcata Quillcashcami

¹¹ Jerusalenpi Diosta mañangapac ñuca rishcaca, chunga ishcai punzhacunallami tucun. Chaitaca caipi caccunamanpish tapuilla.

Nuevo Testamento en Quichua Cañar 1996

¹¹ Jerusalenpi Taita Diosman mañangapac ñuca rishcaca, cunan chunga ishcai punzhacunallami tucun. Chaitaca caipi caccunamanpish tapuilla.

HECHOS 24:11 ပူးပေါင်းရင်းမြစ်များ

HECHOS 21:18

Chai cayandi punzhaca Pabloca ñucanchic-huanmi Jacobota ricungapac rirca. Chai huasipica pushac yuyaccunami tandanacushca cashca carca.

HECHOS 22:30

Huaranga soldadocunata mandacca israelcuna imamanta Pablota huañuchigricushcata yachanata munashpami, cayandi punzhaca Israel curacunata mandac curacunatapish, tandanacushca mandaccunatapish tandachirca. Chashna tandachishpami, Pablotaca cadenahuan huatashcamanta cacharichishpa, paicunapac ñaupaman aparca.

HECHOS 23:11

Chai quipa tuta Apunchic Jesús ricurishpaca: «Pablo, ama manchaichu. Ima shinami cai Jerusalenpi ñucamanta huillacungui, chashnallatacmi Roma pueblopipish huillana cangui» nirca.

HECHOS 23:23

Huaranga soldadocunata mandac pasac soldadocunata mandac ishcaita cayashpaca, unai tutata Cesarea puebloman richun, chaquillahuan ric ishcai pasac soldadocunata, caballopi ric canchis chunga soldadocunata, lanzahuan ric ishcai pasac soldadocunata tandachichun mandarca.

HECHOS 24:1

Pichca punzha quipami, Ananías curaca pushac yuyaccunahuan, yachac Tertulohuan Pablota mandac Felixpac ñaupapi juchanchingapac rirca.

HECHOS 24:17

Unai huatacuna quipami, ñuca llactapi causac huacchacunaman cullquita cungapac, ofrendata cungapac Jerusalenman rircani.