HECHOS 23:19 - Dios Rimashcata Quillcashcami

¹⁹ Chai mandac huambrata maquimanta apashpa, paillata tapushpaca: —¿Imatatac huillasha ningui?— nirca.

Nuevo Testamento en Quichua Cañar 1996

¹⁹ Chashna nicpi, chai mandacca huambrata maquimanta chainicman aisashpami: —¿Imatatac huillasha ningui?— nishpa, paillata tapurca.

HECHOS 23:19 ပူးပေါင်းရင်းမြစ်များ

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

ESTER 5:3

Chaipimi jatun mandacca: —Jatun mandac Esterlla, ¿imatac tucurcangui? ¿Imatatac mañac shamungui? ¡Ñuca mandacuc llactamanta chaupitapish cushallami!— nirca.

ESTER 7:2

Cayandi punzha vinota ubiashpa tiyacushpami, jatun mandacca Estertaca: —Jatun mandac Ester, ¿imatatac mañasha ningui? Can mañacpica, ñuca mandacuc llactamanta chaupitapish cushallami— nirca.

ESTER 9:12

Chaita yachashpami jatun mandac Estertaca: —Judá gentecunaca ñuca mandacuc Susa jatun pueblopi pichca patsac runacunata, Amanpac chunga churicunatapish huañuchishpaca, ¡ñuca mandacuc caishuc llactacunapicarin imatachari ruhuarcacuna! Chaimanta ¿Imatatac mañangui? Imata mañacpipish cushallami. ¿Imatatac ashtahuan ruhuachun ningui? Imata ruhuachun nicpipish ruhuashallami— nirca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

MARCOS 10:51

Chashna chayaricpimi Jesusca: —¿Imatatac ruhuachun ningui?— nirca. Shina nicpimi, ñahui mana ricuc runaca: —Yachachic, ñuca ñahuicunata alliyachishpa cui— nirca.

MARCOS 8:23

Chaimantami Jesusca chai ñahui mana ricuc runata maquimanta aisashpa, pueblomanta caruman pusharca. Chai runapac ishcai ñahuipi tucata churashpa, maquita paipac uma jahuapi churashpaca: —¿Ñachu imallatapish ricungui?— nirca.

MARCOS 9:27

Ashtahuanpish Jesús huambrata maquimanta jatarichicpica, chai alliyashpa shayarircallami.

SAN JUAN 18:12

Shinami soldadocunapish, soldadocunata mandacpish, Diosta mañana huasita cuidaccunapish Jesusta japishpa huatashpa,

HECHOS 17:19

Chaimanta Pablota mandaccuna tandanacuna Areópago huasiman pushashpaca: —Ñucanchic mana uyashca can yachachicushcataca, ¿manachu ashtahuan alli yachachinguiman?

HECHOS 23:18

Chai soldado huaranga soldadocunata mandacpacman chai huambrata pushashpaca: —Prezu tiyacuc Pablomi cai huambrata cambacman pushachun mañarca. Canmanmi imatachari huillac shamushca— nirca.

HECHOS 23:20

Shina nicpimi, chai huambraca: —Israelcunami caya Pablota ashtahuan alli tapushun nic tucushpalla, mandaccunapacman apamuchun mañagricun.