HECHOS 22:28 - Dios Rimashcata Quillcashcami

²⁸ Shina nicpica, chai mandacca: —Ñucaca achca cullquihuanmi Roma llacta tucurcani— nirca. Chashna nicpimi Pabloca: —Ñucaca Roma llactapimi huacharircani— nirca.

Nuevo Testamento en Quichua Cañar 1996

²⁸ Shina nicpimi chai mandacca: —Ñucaca achca cullquihuanmi chai llactapi causaccuna shinaca tucurcani— nirca. Chashna nicpi Pabloca: —Ñuca taita mamamantami, chai llactapi causaccuna shinaca cani— nirca.

HECHOS 22:28 ပူးပေါင်းရင်းမြစ်များ

HECHOS 22:27

Chashna nicpi, chai mandac Pablopacman cuchuyashpaca: —¿Canca Roma llactamantachu cangui?— nirca. Shina nicpimi Pabloca: —Ari— nirca.

HECHOS 22:29

Chashna nicpica, chai macashun nic soldadocunaca Pablota saquishpa anchurircallami. Roma llactamanta cashcata yachashpaca, chai mandacpish Pablota huatachishcamanta mancharircami.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.