HECHOS 22:20 - Dios Rimashcata Quillcashcami

²⁰ Canmanta huillac Estebanta llaquichishpa, huañuchicucpipish churanacunata cuidashpa: ‘Allitami ruhuacunguichic’ nishpami shayacurcani” nircani.

Nuevo Testamento en Quichua Cañar 1996

²⁰ Canmanta huillac Estebanta yahuarsapata ruhuashpa huañuchicucpipish, huañuchiccunapac churanacunata cuidashpa: “Allitami ruhuacunguichic” nishpami shayacurcani’ nircanimi.

HECHOS 22:20 ပူးပေါင်းရင်းမြစ်များ

SAN LUCAS 11:48

Chashna ruhuashpaca, cancunapac ñaupa ruhuashcacunata ricunguichicmi, shinallatac allitami ruhuashca ninguichicmi. Chaica, cancunapac ñaupa taitacunaca huañuchircami, cutin cancunaca chai enterrashca bovedacunatami allichinguichic.

HECHOS 26:10

Jerusalenpipish chashnallatacmi ruhuarcani. Mandac curacunaman quillcata mañashpami, Diospaclla cac tauca criccunata carcelpi churarcani. Paicunata huañuchicpipish “allitami ruhuan” yuyarcanimi.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 7:58

Chashna japishpami pueblomanta llucchishpa, huañuchingapac rumicunahuan shitai callarirca. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarca.

HECHOS 8:1

Estebanta huañuchicta Saulo ricushpaca: “Allitami ruhuanguichic” nishpami cushicurca. Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.