HECHOS 21:8 - Dios Rimashcata Quillcashcami

⁸ Cayandi punzhaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasipimi pozarcanchic. Paica criccunata ayudaccunapuramanta shucmi carca.

Nuevo Testamento en Quichua Cañar 1996

⁸ Cayandic punzha ñucanchic chaimanta rishpaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasiman rishpami, chaipi saquirircanchic. Paica criccunata ayudac cachun, canchiscunata acllashcapuramantami carca.

HECHOS 21:8 ပူးပေါင်းရင်းမြစ်များ

HECHOS 10:1

Cesarea pueblopica, Cornelio shuti runami causarca. Paica Italia llactamanta patsac soldadocunata mandacmi carca.

HECHOS 16:10

Pablo chai muscuipi shina ricushcata huillacpica: “Diosmi chai llactapi alli huillaita huillachun cayashca” nishpami, Macedonia llactaman utca rinata munarcanchic.

HECHOS 16:13

Chaipimi samana punzhapi chai pueblomanta llucshishpa, jatun yacu pataman rircanchic. Chai yacu patapimi, israelcunaca Diosta mañangapac tandanacuc cashca carca. Chaipimi, tandanacushca huarmicunaman alli huillaita huillarcanchic.

HECHOS 16:16

Shuc punzha Diosta mañangapac ricucpimi, adivinac espíritu japishca huarmi huambra tupangapac llucshirca. Chai huambraca adivinashpami, paipac amocunata yallita chayucyachirca.

HECHOS 18:22

Ña Cesarea puebloman chayashpaca, tandanacushca criccunata saludangapacmi Jerusalenman rirca. Quipataca Antioquía pueblomanmi urai rirca.

HECHOS 20:13

Pabloca chaquillahuanmi Asón pueblocaman rinata munarca. Chaimantami ñucanchicca chai pueblopi paihuan tupangapac barcopi ñauparcanchic.

HECHOS 20:6

Ñucanchicca levadura illac tandata micuna fiesta tucuricpimi, Filipos pueblomantaca barcopi rishpa, pichca punzhapi Troas puebloman chayarcanchic. Chaipimi chai ñaupashpa ric criccunahuan tupashpa, canchis punzhata carcanchic.

HECHOS 21:16

Cesarea pueblomanta maijan criccunapish ñucanchic-huanmi rirca. Paicunami Chipre llactamanta unai huatata cric Mnasonpac huasiman pushashpa rircacuna. Chai huasipimi pozarcanchic.

HECHOS 23:23

Huaranga soldadocunata mandac pasac soldadocunata mandac ishcaita cayashpaca, unai tutata Cesarea puebloman richun, chaquillahuan ric ishcai pasac soldadocunata, caballopi ric canchis chunga soldadocunata, lanzahuan ric ishcai pasac soldadocunata tandachichun mandarca.

HECHOS 27:1

Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 28:11

Chai islapi quimsa quillata cashpami, Alejandría pueblomanta shamushpa, tamya quillacunata chaipi cashca barcopi rircanchic. Chai barco ñaupa ladopica Cástor, Pólux shuti dioscuna dibujashcami carca.

HECHOS 28:16

Ña Romaman chayashpaca, patsac soldadocunata mandacca Pablotaca cuidac soldadohuanmi shuc huasipi chican churarca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

2 TIMOTEO 4:5

Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.