HECHOS 21:7 - Dios Rimashcata Quillcashcami

⁷ Tiro pueblomantaca barcopimi Tolemaida puebloman chayarcanchic. Chaipi criccunata saludashpami, paicunahuan cainarcanchic.

Nuevo Testamento en Quichua Cañar 1996

⁷ Tiro pueblomanta barcopi rishpaca, Tolemaida pueblomanmi chayarcanchic. Chaipi causac criccunata “allillachu canguichic” nishpaca, paicunahuanmi cainarcanchic.

HECHOS 21:7 ပူးပေါင်းရင်းမြစ်များ

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Diosta mana ricsiccunapish chashnaca ruhuancunami.

HECHOS 1:15

Chai punzhacunapica, patsac ishcai chunga criccunami tandanacushca carcacuna. Paicunapac ñaupapi Pedro shayarishpaca:

HECHOS 12:20

Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.

HECHOS 18:22

Ña Cesarea puebloman chayashpaca, tandanacushca criccunata saludangapacmi Jerusalenman rirca. Quipataca Antioquía pueblomanmi urai rirca.

HECHOS 21:10

Ñucanchic tauca punzhacunata chaipi cacpimi, Dios ima nishcata huillac Agabo Judea llactamanta chayamurca.

HECHOS 21:17

Jerusalenman chayacpica, tucui criccunami cushicushpa tuparca.

HECHOS 21:19

Pablo chaipi caccunata saludashca quipaca, mana israelcunaman Diosmanta huillacpi, Dios ima ruhuashcata callaimanta tucui parlarca.

HECHOS 21:3

Chaita ricucpica, Chipre llactaca lluqui ladomanmi saquirirca. Chai barcoca Siria llacta Tiro pueblopimi cargata saquingapac yaicurca. Chaipimi ñucanchicpish saquirircanchic.

HECHOS 25:13

Asha punzhacuna quipami, jatun mandac Agripaca paipac pani Berenicehuan Cesarea pueblopi mandac Festota saludangapac shamurca.

HECHOS 28:12

Chashnami Siracusa puebloman chayashpa, chaipi quimsa punzhata carcanchic.

HEBREOS 13:24

Tucui pushaccunatapish, Diospaclla cac criccunatapish saludanchicmi. Italia llactapi causac criccunapish saludancunami.

1 SAMUEL 10:4

Paicunaca ¿Allillachu cangui? nishpami, ishcai tandata cungacuna. Shina cucpica japinguilla.

1 SAMUEL 13:10

Diosman cushpa tucui rupachishca quipami Samuelca chayamurca. Shina chayamucpimi, Saulca saludangapac llucshirca.