HECHOS 21:5 - Dios Rimashcata Quillcashcami

⁵ Chaimanta ñucanchic rigricpimi, tucui criccuna paicunapac huarmicunandi, huahuacunandi chai pueblo llucshinacaman compañarca. Chai yacu patapimi cungurishpa, Diosta mañarcanchic.

Nuevo Testamento en Quichua Cañar 1996

⁵ Chai q'uipaca, ñucanchic ña chaimanta rigricpimi, tucui criccuna paicunapac huarmicunandic, huahuacunandic chai pueblomanta llucshishpa, yacu patacaman ñucanchichuan shamurcacuna. Chaipica cungurishpami, Taita Diosman mañarcanchic.

HECHOS 21:5 ပူးပေါင်းရင်းမြစ်များ

1 REYES 8:54

Salomonca chashnami Mandac Diospac altar ñaupapi cungurishpa, maquicunatapish huichaiman alzashpa, mañarca.

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

NEHEMÍAS 12:43

Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

SALMOS 95:6

¡Paita jatunyachishpa, paipac ñaupapi cumuringapac shamuichic! Ñucanchicta ruhuac Mandac Diospac ñaupapi cungurishunchic.

SAN MATEO 14:21

Chai micuccunaca huarmicunata, huahuacunata mana yupashpami, pichca huaranga shina carca.

MARCOS 1:40

Lepra ungüihuan ungushca runa Jesuspacman cuchuyashpa, cungurishpaca: —Can ñucata alliyachisha nishpaca, alliyachinguimanllami— nishpa mañarca.

SAN LUCAS 22:41

Chashna nishpami yachacuccunapacmanta ashata caruyashpa, Diosta mañangapac cungurirca.

HECHOS 15:3

Tandanacushca criccuna paicunata cachacpica, Fenicia llactata, Samaria llactatami mana israelcunapish Diosman cutirishcata parlashpa rircacuna. Chashna parlacpica, chai criccunaca tucuimi yallita cushicurca.

HECHOS 17:10

Chai tutallatacmi criccunaca Pablotapish, Silastapish Berea puebloman utca cacharca. Ña Bereaman chayashpaca, israelcuna tandanacuna huasimanmi yaicurca.

HECHOS 20:36

Chaita nishca quipami, Pabloca tucui paihuan caccunahuan cungurishpa, Diosta mañarca.

HECHOS 20:38

Chaica, “ñucataca ña mana ashtahuan ricunguichicchu” nishcamantami llaquirishpa, barcocaman Pablohuan rircacuna.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

JOSUÉ 8:35

Josueca Moisés mandashcataca shuc rimaillatapish mana saquishpami tucui israelcunapac ñaupapi rezarca. Chashnami huarmicunapac, huahuacunapac, caru llactamanta shamushcacunapac ñaupapi rezarca.