HECHOS 20:26 - Dios Rimashcata Quillcashcami

²⁶ Chaimantami cunan caita huillasha nini: Maijan cancuna juchallapitac huañucpica, Diosca ñucataca mana juchanchingachu.

Nuevo Testamento en Quichua Cañar 1996

²⁶ Chaimantami cunan caita huillasha nini: Maijan cancuna mana c'atishpa, juchallapitac huañucpica, Taita Dios ñucataca mana juchanchingachu.

HECHOS 20:26 ပူးပေါင်းရင်းမြစ်များ

2 SAMUEL 3:28

Chaita yachac chayashpami Davidca: —¡Nerpac churi Abnerta huañuchishca yahuarmantaca ñucapish, ñuca mandanapish huiñaitami Mandac Diospac ñaupapi mana juchayuc canchic!

JOB 16:19

Ñucamanta huillacpish, ñucamanta rimacpish jahua pachapimi can.

JEREMÍAS 42:21

Chaimantami cunanca Mandac Dios cancunaman imata huillachun mandashcacunata tucui huillarcani. Ashtahuanpish pai imata mandashcataca mana cazushpami causanguichic.

SAN JUAN 12:17

Jesus-huan cac gentecunaca Lazarota enterrashca jutcumanta cayashpa, causachishcatami tucuiman huillashca huillarca.

SAN JUAN 19:35

Tucui caicunata ricushpami, mana llullashpa huillacuni. Cai huillashcaca mana llullachu. Cancuna crichunmi, imatapish cashcata yachashpa huillacuni.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

ROMANOS 10:2

Paicuna Diosta servina munaita yallita charishcataca yachanimi. Shina cashpapish, ima shina pactachinataca mana yachancunachu.

2 CORINTIOS 1:23

Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

2 CORINTIOS 7:2

Ñucanchic nishcataca cancunapac shungupi chasquichicyari. Ñucanchicca pitapish ima mana allitaca mana ruhuarcanchicchu. Pitapish mana pandachircanchicchu. Pitapish mana umarcanchicchu.

2 CORINTIOS 8:3

Paicuna charishca shina tucui shunguhuan cushcatapish, chaimanta yalli yallita cushcatapish, ñucallatac ricushcamantami huillani.

1 TIMOTEO 5:22

Diospacta ruhuac cachun manarac alli yuyarishpaca maijanpac umapipish ama utca maquita churaichu. Pacta shuccunapac juchapi chapuringuiman. Tucui mana allimanta huacaichiringui.