HECHOS 2:9 - Dios Rimashcata Quillcashcami

⁹ Caipica Partia llactamanta, Media llactamanta, Elam llactamanta, Mesopotamia llactamanta, Judea llactamanta, Capadocia llactamanta, Ponto llactamanta, Asia llactamanta,

Nuevo Testamento en Quichua Cañar 1996

⁹ Ñucanchicca Partia llactamanta, Media llactamanta, Elam llactamanta, Mesopotamia llactamanta, Judea llactamanta, Capadocia llactamanta, Ponto llactamanta, Asia llactamanta,

HECHOS 2:9 ပူးပေါင်းရင်းမြစ်များ

GÉNESIS 10:22

Sempac churicunaca: Elam, Asur, Arfaxad, Lud, Arammi carca.

GÉNESIS 14:1

Jatun mandac Amrafel Sinar llactata mandacui punzhacunapica jatun mandac Ariocca Elasar llactatami mandacurca. Jatun mandac Quedarlaomerca Elam llactatami mandacurca. Cutin jatun mandac Tidalca Goim llactatami mandacurca.

GÉNESIS 24:10

Chaimantami servicca amopac camellocunamanta chunga camellocunata japishpa, amopac tucuilaya acllashca convidanacunata apashpa, Mesopotamia llactapi cac Nacor llactaman rirca.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

1 CRÓNICAS 19:6

Amonitacunaca David paicunata mana ricunayachicushcata yachac chayashpami Hanunhuan, amonitacunahuan carretacunatapish, caballocunapi puric soldadocunatapish, alquilachun huaranga talento cullquita cushpa Mesopotamia, Siria, Maaca, Soba llactacunaman cacharca.

ESDRAS 6:2

Chashna mashcashpami, Media llacta Acmeta pueblopi mandashpa tiyana huasipi tarirca. Chai quillcashcapica:

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 21:2

Muscuipi shina ricuchishpaca sinchitami ricuchirca. Mana cazuc runaca mana cazushpami catin. Huañuchishpa tucuchic runaca tucuchishpami catin. ¡Elam llactapi causaccunalla, macanacungapac huichai richicyari! ¡Media llactapi causaccunalla, Babiloniata muyunacuichicyari! Ña mana llaquihuan caparinacui tiyangachu.

DANIEL 5:28

PARSIN nishpaca, can mandana llactata chaupishpa shuc partetaca Media llacta runacunaman, shuc partetaca Persia llactapi causaccunaman cuna cashcatami nisha nin— nirca.

DANIEL 8:2

Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.

DANIEL 8:20

Can ricushca gachuyuc cari ovejaca Media, Persia llactacunata jatun mandaccunatami nisha nin.

HECHOS 16:6

Pablo, paihuan puriccunahuan Asia llactapi alli huillaita huillagricucpimi, Diospac Espirituca jarcarca. Chaimantami Frigia llactata, Galacia llactata rirca.

HECHOS 18:2

Chai pueblopimi Ponto llactamanta Aquila shuti Israel runahuan tuparca. Chaica, Roma llactata jatun mandac Claudio tucui chaipi causac israelcuna chai llactamanta llucshichun nishcamantami, chai Aquilaca paipac huarmi Priscilandi Italia llactamanta llucshishpa, Corinto puebloman cunanlla shamushca carca. Pabloca paicunapacmanmi rirca.

HECHOS 19:10

Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.

HECHOS 19:27

Mana ñucanchic cullqui japinallachu chingaringa. Ñucanchic Diana diosca tucui Asia llactapipish, shuctac llactacunapipish tucuipac alli nishcami. Cunanca jatun llaquimi tucugrin yuyachin. Diana diosta adorana huasita shitashpa, paita cungaringacunami— nirca.

HECHOS 19:31

Asia llactamanta Pablopac ricsishca mandaccunapish Pablo ama chai ucuman yaicuchun jarcaccunata cacharca.

HECHOS 2:8

Ñucanchicca quiquin rimaipi rimacuctami uyanchic. ¿Imamantac quiquin rimaipi rimacuncuna?

HECHOS 20:16

Pabloca ima shinapish Jerusalenpi Pentecostés punzhata canatami yuyarishca carca. Chaimantami Pabloca Asia llactapi mana unaiyashpa, Efeso pueblopi mana yaicushpa, barcopi rircalla.

HECHOS 20:18

Paicuna chayamucpica, Pabloca: «Asia llactaman chayamushca punzhamanta pacha, ñuca cancunahuan ima shina cashcataca cancunallatac alli yachanguichicmi.

HECHOS 20:4

Pablotaca Berea pueblomanta Sopaterpish, Tesalónica pueblomanta Aristarcopish, Segundopish, Derbe pueblomanta Gayopish, Timoteopish, Asia llactamanta Tiquicopish, Trofimopishmi Asia llactacaman compañarca.

HECHOS 21:27

Canchis punzha tucugricucpimi, Asia llactamanta maijan israelcuna Pablotaca Diosta mañana huasipi ricurca. Chaimantami tucui gentecunata jatarichishpa, Pablota japircacuna.

HECHOS 24:18

Diospac ñaupapi alli ricuringapac armarishca quipami, Asia llacta maijan israelcuna Diosta mañana huasi ucupi ricurirca. Chaipica mana tauca gentecunahuanchu carcani, mana pita bullapi churacurcanichu.

HECHOS 27:2

Adramitio pueblomanta barcopimi huichicurcanchic. Chai barcoca Asia llacta puertocunamanmi ricushca carca. Macedonia llacta Tesalónica pueblomanta Aristarcopishmi ñucanchic-huan ricurca.

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.

HECHOS 7:2

Chaimantami Estebanca: —Huauquicuna, taitacuna, ñuca rimashcata uyaichic: «Poderyuc Diosmi ñucanchic ñaupa taita Abraham manarac Harán pueblopi causangapac ricpi, Mesopotamia llactapi cacpi ricurirca.

ROMANOS 16:5

Shinallatac paicunapac huasipi tandanacuc criccunatapish saludanguichic. Ñucahuan mai apanacuc Epenetotapish saludanguichic. Paimi Asia llactapica Jesucristota punta cric carca.

1 CORINTIOS 16:19

Asia llacta criccunapish saludancuna. Aquilapish, Priscilapish, paicunapac huasipi tandanacuc criccunapish Apunchic Jesuspac shutipi saludancunami.

2 CORINTIOS 1:8

Cuyashca criccuna, Asia llactapi ñucanchic jatun llaquita apashcata yachachunmi munanchic. Mana apaipac llaquita charishpami, ña mana ashtahuan causashunchu nishpa yuyarcanchic.

DEUTERONOMIO 23:4

Paicunaca, cancuna Egipto llactamanta llucshimucpica, micunallahuanpish, yacullahuanpish mana tupangapac llucshircachu. Ashtahuanpish Mesopotamia llactapi tiyac Petormanta Beorpac churi Balaamtami cancunata maldiciachun apamurca.

2 TIMOTEO 1:15

Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.

APOCALIPSIS 1:4

Ñucaca Juanmi cani. Ñucami Asia llactapi cac canchis pueblopi tandanacushca criccunaman quillcani. Dios cancunata mai cuyashpa sumac causaita cuchun, Diospac mandashpa tiyarina ñaupapi cac canchis Espiritucunapish allicunata cancunaman cuchunmi munani. Paica sarunpish, cunanpish, shinallatac shamucpish paillatacmi can.

JUECES 3:8

Chaimantami Mandac Diosca nina japiric shina piñarishpa, israelcunataca Mesopotamia llactata mandac Cusan-risataimpac maquipi churarca. Chaipimi paicunaca pusac huatata servirca.