HECHOS 2:41 - Dios Rimashcata Quillcashcami

⁴¹ Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

Nuevo Testamento en Quichua Cañar 1996

⁴¹ Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.

HECHOS 2:41 ပူးပေါင်းရင်းမြစ်များ

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN JUAN 21:11

Chashna nicpimi, Simón Pedroca canoaman huichicushpa, jatun challuacuna junda linchita japishpa, aisashpalla yacu pataman cuchuyachirca. Challuacunaca patsac pichca chunga quimsami carca. Chashna cai tucui challuacunahuan cashpapish, linchica mana lliquirircachu.

HECHOS 1:15

Chai punzhacunapica, patsac ishcai chunga criccunami tandanacushca carcacuna. Paicunapac ñaupapi Pedro shayarishpaca:

HECHOS 13:48

Chashna nicta mana israelcuna uyashpaca: “¡Diosmanta alli huillaica sumacmari!” nishpami, yallita cushicurca. Huiñai causaita charichun, Dios acllashcacunaca, tucuimi crircacuna.

HECHOS 2:37

Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

HECHOS 27:37

Chai barcopica, ishcai pasac canchis chunga suctami carcanchic.

HECHOS 3:23

Pipish chai huillacta mana cazucca, israelcunapuramanta llucchishcami canga” nishcami.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 7:14

Chai quipami, Joseca paipac taita Jacobotapish, paipac familiacunapish pushachun cacharca. Paicunaca canchis chunga pichcami carca.

ROMANOS 13:1

Tucui mandaccunaca Dios churashcami. Chaimanta tucui mashna paicunataca cazuichic.

1 TESALONICENSES 1:6

Cancuna llaquihuan cashpapish, Diospac espíritu cushichicpi, cushilla caticushpaca, ñucanchic catic shinallatacmi Apunchic Jesusta caticunguichic.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.

APOCALIPSIS 16:3

Ishcainiqui ángel rishpaca, pai charicushca copataca mama cucha yacupimi tallirca. Chaipi tallicpica, yahuar llucshic shina, chai yacu yahuar tucucpimi, tucui chai yacupi causac animalcuna huañurca.