HECHOS 2:39 - Dios Rimashcata Quillcashcami

³⁹ Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

Nuevo Testamento en Quichua Cañar 1996

³⁹ Ñucanchicman Mandac Dios cashna cusha nishcaca, cancunamanpish, cancunapac huahuacunamanpish, shinallatac tucui carupi causaccunamanpish. Pipish pai acllasha nishcacunamanmi, cusha nishca— nirca.

HECHOS 2:39 ပူးပေါင်းရင်းမြစ်များ

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 57:19

Carupi causaccunatapish, cuchullapi causaccunatapish rimashpaca: “¡Cushi causai tiyachun, cushi causai tiyachun, paicunataca alliyachisha!” Chaitaca Mandac Dios ñucami nini» ninmi.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 59:20

Mandac Diosca: «Sión urcumanmi quishpichicca shamunga. Millaita ruhuanata saquishca Jacobopac huahua huahuacunapacmanmi shamunga» ninmi.

ISAÍAS 65:23

Mana yanga trabajangachu. Huahuacunapish mana llaqui tucungapacchu huacharinga. Paicunapish, paicunapac huahua huahuacunapish Mandac Dios bendiciashcami canga.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

HECHOS 10:45

Pedrohuan shamuc Jesusta cric israelcunaca, Diospac Espíritu mana israelcunapacmanpish shamushcata ricushpami mancharircacuna.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

HECHOS 15:14

Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

HECHOS 15:3

Tandanacushca criccuna paicunata cachacpica, Fenicia llactata, Samaria llactatami mana israelcunapish Diosman cutirishcata parlashpa rircacuna. Chashna parlacpica, chai criccunaca tucuimi yallita cushicurca.

HECHOS 15:8

Tucuipac shunguta yachac Diosmi mana israelcunamanpish Espirituta curca. Chashnami ñucanchicta chasquishca shina paicunatapish chasquirca.

ROMANOS 11:29

Diosca imata cushpapish mana quichunchu. Cayashpapish mana cungarinchu.

ROMANOS 8:30

Callarimanta chicanyachishcacunataca Diosca cayarcami. Chai cayashcacunataca chasquircami. Chasquishcacunataca alli nircami.

ROMANOS 9:24

Diosca ñucanchictaca israelcunapuramantapish, mana israelcunapuramantapishmi acllarca.

ROMANOS 9:4

Paicunaca Diospac huahuacunami. Taita Israelpac huahua huahuacunami. Chaimantami Diosca paipac huahuacuna cachun acllarca. Diosca paipac sumaimana cashcatapish paicunaman ricuchircami. Moisés mandashcacunatapish, Dios cuyashpa ari nishcacunatapish, Dios cusha nishcacunatapish charinmi. Diosta mañanatapish yachancunami.

1 CORINTIOS 7:14

Cusaca huarmi cric cashcamantami Diospaclla tucunga. Mana cric huarmipish, cusa cric cashcamantami Diospaclla tucunga. Mana shina cacpica, paicunapac huahuacunaca mana cricpac huahuacuna shinami canman. Paicunaca Diospaclla causaccunapurami tucushcacuna.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

EFESIOS 4:4

Diospac Espirituca shucllami. Tandanacushca criccunapish shuc cuerpo shinami can. Diospish cancunata shuclla japina cashcata cushicushpa shuyachunmi cayarca.

DEUTERONOMIO 29:15

Ashtahuanpish Mandac Diospac ñaupapi cunan ñucanchic-huan caccunahuanpish, mana ñucanchic-huan caccunahuanpishmi ruhuarca.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

2 TIMOTEO 1:9

Diosmi paipaclla causachun nishpa, ñucanchictaca quishpichishpa cayarca. Mana ñucanchic ima allita ruhuashcamanta, ashtahuanpish Dios cuyashcallamantami, Jesucristomanta quishpichirca. Cai shinaca cai pacha manarac callaricpimi, ñucanchicta Diosca cuyashca.

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

HEBREOS 9:15

Jesucristoca gentecunahuan punta ari nishcahuan juchapi shina causacucpimi mushuc ari ninacuita ruhuarca. Chai shina cacharichishpami Dios cayashcacuna pai cusha nishcata huiñaita chasquichun ruhuarca.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

2 PEDRO 1:10

Chaimanta cuyashca criccuna, cancunata Dios acllashpa cayashcamantaca, caicunata ashtahuan yuyaipi charishpa causanata munaichic. Chashna causashpami, jaicapi mana urmanguichic.

2 PEDRO 1:3

Diosca Jesucristota ricsichishpami, paipac poderhuan ñucanchic paita allita yuyariccuna cachun, tucui ima illashcatapish ñucanchicman cushca. Cristoca pai cashcata ruhuac cashcata, sumaimana cashcata ricuchingapacmi cayarca.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.