HECHOS 2:37 - Dios Rimashcata Quillcashcami

³⁷ Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

Nuevo Testamento en Quichua Cañar 1996

³⁷ Chaipi caccunaca Pedro chashna huillacta uyashpami, shungupi mai llaquirishpa Pedrotapish, Jesús acllashca caishuc huillaccunatapish: —Huauquicuna, ¿imatatac ruhuana canchic?— nishpa tapurcacuna.

HECHOS 2:37 ပူးပေါင်းရင်းမြစ်များ

SALMOS 73:21

Ñuca almaca yallitami llaquirirca. Ñuca shungupish tucsicuc shinami nanarca.

ECLESIASTÉS 12:11

Jatun yachaccuna allichishca rimaicunaca puntasapa fierro shinami. Yuyaicunata tandachishpa quillcashca rimaicunaca allita clavashca clavocuna shinami. Chai shimicunataca shuc michicmi curca.

ISAÍAS 21:12

Shina nicpimi, chapac runaca: «Ñami achicyagrin, achicyashpapish ña tutayangami. Imata tapusha nishpaca, tapuc shamunguilla» nirca.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN LUCAS 3:10

Chai gentecunaca Juantaca: —Shinashpaca, ¿imatatac ruhuashun?— nishpa tapurca.

SAN LUCAS 3:12

Impuestota japiccuna bautizarisha nishpa shamushpaca: —Yachachic, ¿imatatac ruhuashun?— nishpami tapurca.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

SAN JUAN 8:9

Chaita uyashpaca, shungupi nanarishpami shucllancaman shucllancaman rirca. Yuyacmanta callarishpami chai huarmillata Jesus-huanca saquishpa rircacuna.

HECHOS 1:16

«Huauquicuna, Jesusta Judas japichina cashcataca, ñaupamanmi Diospac Espíritu yuyaita cucpi, Davidca quillcachishca. Chaica pactanami carca.

HECHOS 22:10

Chaipimi ñucaca: “Apunchic Jesús, ¿imatatac ruhuasha?” nircani. Shina nicpimi, Apunchic Jesusca: “Jatarishpa, Damasco llactaman ri. Chaipimi can ima ruhuana cashcataca huillanga” nirca.

HECHOS 5:33

Shina nicta uyashpami, chai mandaccunaca piñarishpa, huañuchinata munarcacuna.

HECHOS 7:54

Esteban chashna nicpimi, chai mandaccunaca quirucuna canirishpa, yallita piñarirca.

ROMANOS 7:9

Ñaupaca ima mandashcacunata mana yachashpami causarcani. Mandashcacunata ñuca yachacpimi, juchaca ñucapi ricurirca. Shinami huañurcani.